اسلام آباد ۔ 28 مئی (اے پی پی) پاکستان ریلوے عیدالفطر دے موقع تے رش پاروں 5 سپیشل ریل گاڈیاں چلاونڑ دا اعلان کر ڈتے۔ منگل کوں پاکستان ریلوے دے ترجمان ڈسایا جو وفاقی وزیر ریلوے شیخ رشید احمد دی خصوصی ہدایت تے چیف ایگزیکٹو آفیسر پاکستان ریلوے محمد آفتاب اکبردی منظوری دے بعد باقاعدہ شیڈول جاری کیتا گے ۔ شیڈول دے مطابق پہلی سپیشل ریل گاڈی کراچی سٹی توں 2 جون کوں سویلے10.45 وجے پشاور کیتے روانہ تھیسی ۔ ڈوجھی عید سپیشل ریل گاڈی 2 جون کوں کوئٹہ توں ڈینھ 11.30 وجے راولپنڈی کیتے روانہ تھیسی ۔تریجھی ریل گاڈی 3 جون ڈینھ 11 وجے کراچی کینٹ توں لاہور کیتے روانہ تھیسی۔ چوتھی سپیشل ریل گاڈی 8 جون کوں راولپنڈی توں سویلے 8 وجے کوئٹہ کیتے روانہ تھیسی ۔انہاں ڈسایا جو پنجویں سپیشل ریل گاڈی 8 جون کوں لاہور توں شام چھی وجے کراچی کینٹ کیتے روانہ تھیسی ۔عید سپیشل ریل گاڈیاں دی بکنگ 29مئی توں شروع تھی ویسی تے ٹکٹ آن لائن اتے ریزرویشن دفتر توں گھدے ونج سگدن۔
پاکستان ریلوے داعید دے موقع تے رش پاروں 5 ودھیک سپیشل ریل گاڈیاں چلاونڑ دا اعلان
مضمون کا ماخذ : لوٹیریا علاقائی
متعلقہ مضامین
