اسلام آباد ۔ 26 نومبر (اے پی پی) وفاقی وزیر اقتصادی امور حماد اظہر آکھیے جو حکومت چھوٹے درمیانے درجے دے کاروبار سمیت ملک اچ کاروبار تے سرمایہ کاری ودھاونڑ کیتے جامع اقدامات کریندی پئی اے ،، سمال اینڈ میڈیم انٹرپرائزز اتھارٹی (سمیڈا) کیتے بنڑائی گی نویں پالیسی دے نتیجے اچ ملک اچ چھوٹا تے درمیانے درجے دا کاروبار ودھ ویسی ،کاروبار کیتے سازگار ماحول دی عالمی ریکنگ اچ پاکستان دی پوزیشن اچ بہتری آّئی اے ۔اے گال انہاں منگل کوں اتھاں پاکستان انوویٹو فنانس فورم نال خطاب کریندے ہوئیں آکھی اے ۔فورم دا اہتمام کار انداز پاکستان ، بل اینڈ ملینڈا گیٹس فاﺅنڈیشن، یو کے ایڈ اتے ایشیائی ترقیاتی بینک رل تے کیتا ہئی۔ وفاقی وزیر اپنڑے خطاب اچ آکھیے جو اے شعبہ ملک اچ روزگار دی فراہمی اچ اہم کردار ادا کریندا پئے ۔ ملک دی مجموعی قومی پیداوار اچ چھوٹے اتے درمیانے درجے دے کاروبار دا حصہ 30 فیصد دے نیڑے ہے جیں نال ایں شعبے دی اہمیت اجاگر تھیندی اے ۔حماد اظہار آکھیا جو ماضی دیاں حکومت ایندے تے کوئی توجہ کائنی ڈتی جیں پاروں ایں شعبے دی او ترقی کائنی تھئی جیرھی تھیونڑیں چاہیدی اے ۔ چھوٹے اتے درمیانے درجے دے کاروبار دا شعبہ ملک دے مجموعی قرضے دا 7 فیصد وصول کریندے۔ موجودہ حکومت ایں شعبے دا قرض پرائیویٹ سیکٹر دے 7 فیصد توں ودھا تے 17 فیصد تئیں گھن ونجنڑ دا ہدف مقرر کیتے ۔انہاں آکھیے جو حکومت نینگراں کوں روزگار ڈیونڑ تے انہاں کوں بااختیار بنڑاونڑ کیتے کامیاب جوان سکیم دے تحت سوکھے قرضے ڈیندی پئی اے ۔ انہاں آکھیے جو اگر ملک ترقی کرنڑیں اے تاں 90فیصد انٹر پرائزز تے توجہ ڈیونڑیں ہوسی ۔
حکومت ملک اچ کاروبار اتے سرمایہ کاری ودھاونڑ کیتے جامع اقدامات کریندی پئی اے ، وفاقی وزیر اقتصادی امور حماد اظہر دا پاکستان انوویٹو فنانس فورم نال خطاب
مضمون کا ماخذ : بہت سے نتائج
متعلقہ مضامین
