اسلام آباد ۔ 30 جولائی (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو کرپشن دے جرم اچ سزا یافتہ اتے منشیات فروشی دے الزام اچ گرفتار سیاسی قیدی کائنی قومی مجرم ہن۔شہباز شریف دا رانا ثنا اللہ کیتے گورنمنٹ ہاوس مری دی طرز تے شاہانہ فائیو اسٹار سہولتاں دا مطالبہ بئے قیدیاں نال مذاق اے ۔منگل کوں اپنڑے ٹویٹ اچ انہاں آکھیے جو شہباز صاحب! شہنشاہیت دے خواب توں جاگو تے نویں پاکستان دی حقیقت دا سامنڑاں کرو ،جتھاں بلا تفریق قانون دا ہکو جیہا اطلاق عمل اچ گھن آیا ویندا پئے ،ہنڑ ادارے ظلِ سبحانی دی خواہشات دے کائنی آئین تے قانون دے تابع ہن۔
مضمون کا ماخذ : میگا ملینز کے فاتحین
