اسلام آباد ۔ 5 اپریل (اے پی پی) وفاقی وزیر بحری امور علی زید ی جمعہ کوں سمندری حدود دی صفائی کرنڑ آلی بیڑیاں دی افتتاحی تقریب نال خطاب کریندے ہوئیں آکھیا جو وزارت بحری امور سمندر توں کچرا کٹھا کرنڑ سانگے ترائے بیڑیاں سمندر اچ لہا چھوڑین۔ انہاں ڈسیا جوبیڑیاں باصلاحیت پاکستانی مرین انجینئرز تیار کیتیاں ہن۔ انہاں آکھیا جوروزانہ ساڈھے12 لکھ ٹن کچرا اتے65 کروڑ گیلن گندا پانڑیں کراچی توں سمندر اچ ڈھاندے،کچرا اتے سیوریج دا پانڑیں کراچی ساحل تے سمندری حیات تقریباً مک گن۔ وفاقی وزیر آکھیاجو جڈاں صوبائی حکومت ستی پئی ہوئے تا ںانتظامی خلاءوفاقی حکومت کو ں پورا کرنڑ پوندے ۔ انہاں آکھیا جوجڈاں میں ساحل لنگھدا ہاں تاں سوچداں جو صوبائی عہدیدار اگر ایں پاسے توجہ ڈیندے تاںکراچی سیاحت دا مرکز ہوندا۔
مضمون کا ماخذ : خون چوسنے والے II
