اسلام آباد ۔ 27 اگست (اے پی پی) وزیراعظم عمران خان دی معاون خصوصی برائے اطلاعات و نشریات فردوس عاشق اعوان آکھیے جو بھارت دا ریاستی جبر دے ذریعے کشمیریاں دی آواز کوں دباونڑ ہنڑ ناممکن اے ۔ پاکستان مسئلہ کشمیر دے حل کیتے ہر آپشن استعمال کریسی، حکومت چاہندی اے جو کشمیر کاز تے پوری قوم تے سیاسی قیادت ہک زبان تھیوے ،اگر جنگ مسلط کیتی گئی تاں پاک ایندے کیتے تیار اے لیکن اے جنگ صرف ایں خطے دے امن کیتے خطرہ کائناں بنڑسی بلکہ پوری دنیا وکیڑ اچ آسی ،ایں توں پہلے جو دیر تھی ونجے دنیا بھارت دے ایں جابرانہ اقدام کوں روکے ،نجی ٹی وی دے پروگرام اچ گال مہاڑ کریندے ہوئیں انہاں آکھیا جو اساں دنیا کوں نہ صرف اے ڈسیسوں بلکہ وزیراعظم عمران خان دی زیرقیادت موجودہ حکومت ایندے نال دستیاب سارے آپشن استعمال کریسی تے بھارت دا مکروہ چہرہ دنیا دے سامنڑے بے نقاب کریسی، جیویں جیویں اے بیانیہ دنیا تئیں پجسی بھارت کیتے ودھ عرصے تئیں کشمیر دے اندر جبر ،استحصال فوج تے کرفیو دے ذریعے کشمیریاں دی آواز کوں دباونڑ اوکھا تھی ویسی تے بالاآخر اے بین الاقوامی دباﺅ تے میڈیا اچ انسانی حقوق دیاں خلاف ورزیاں کوں اجاگر کرنڑ دنیا کوں مجبور کریسی جو او مودی دے جبر نال کشمیریاں کوں نجات ڈیواونڑ کیتے سلامتی کونسل دیاں قرارداداں تے عمل درآمد کوں یقینی بنڑاوے تے کشمیریاں کوں انہاں دا حق خود ارادیت ڈیوے ۔
بھارت دا ریاستی جبر دے ذریعے کشمیریاں دی آواز کوں دباونڑ ہنڑ ناممکن اے ، فردوس عاشق اعوان دی نجی ٹی وی چینل دے پروگرام اچ گال مہاڑ
مضمون کا ماخذ : لوٹیریا کا اطلاق
متعلقہ مضامین
