اسلام آباد ۔ 25 ستمبر (اے پی پی) وزیراعلیٰ پنجاب سردار عثمان بزدار ’بدھ کوں منگلا کینٹ دا دورہ کیتا۔وزیراعلیٰ کوں زلزلے نال تھیونڑ آلے جانی تے مالی ضیان بارے تفصیلی بریفنگ ڈتی گئی ۔وزیراعلیٰ پنجاب کوں ڈسیا گیا جو جہلم دے نیڑے اچ زلزلے پاروں ہک شہری جاں بحق اتے 21زخمی تھین۔20زخمیاں کوں طبی امداد دے بعد ہسپتالاں توں ڈسچارج کر ڈتا گئے۔ایں موقع تے وزیراعلیٰ پنجاب انتظامہ اتے امدادی سرگرمیاں اچ مصروف اداریاں کوں ہدایت کیتی جو او الرٹ رہن،زلزلے نال بنڑنڑ آلی صورتحال تے ہر ویلھے نظر رکھی ونجے۔۔ بریفنگ اچ صوبائی وزراءڈاکٹر یاسمین راشد، میاں خالد محمود، سیکریٹری تعمیرات و مواصلات، ڈی جی ریسکیو 1122، کمشنر راولپنڈی، ڈپٹی کمشنر جہلم، پی ڈی ایم اے دے حکام وی موجود ہن۔
مضمون کا ماخذ : کڑک
