اسلام آباد ۔ 18 فروری (اے پی پی) صدر مملکت ڈاکٹر عارف علوی آکھیے جو پاکستان تے سعودی عرب دی قیادت اپنڑے اپنڑے ملکاں دی ترقی تے خوشحالی کیتے ہکو جہے خیالات تے وژن رکھیندی اے ۔او سنوارکوں اتھاں ایوان صدر اچ سعودی ولی عہد محمد ب?? سلمان دے اعزاز اچ ظہرانے دی تقریب توں خطاب کریندے پئے ہن ۔وزیراعظم عمران خان خان، وفاقی وزرائ، اعلٰی فوجی تے سیاسی قیادت، سفارتکار اتے بئے اعلیٰ حکام وی ایں موق?? تے موجود ہن ۔تقریب نال خطاب کرینیدے ہوئیں انہاں آکھیا جو ڈوہیں بھرا ملک ہمیشہ توں با اعتماد دوست ہن جیرھے جو بھرپی تے مذہب دے پکے رشتے اچ گھنڈیے ہوئے ہن ۔ صدر مملکت ایں امید دا اظہار ک??تا ہر آزمائش اچ پورا لہڑ آلی یاری دے تعلقات تے نیڑے تعاون دے نال مزید ودھسن ،انہاں آکھیا ڈوہیں ملکاں وچال جغرافیافئی لحاظ نال تاں فاصلہ اے لیکن اساڈے دل ہک ڈوجھے نال جڑیے ہوئین ۔انہاں آکھیا ڈوہیں ملکاں وچال سپریم کوآرڈینیشن کونسل دے قیام نال انہاں کوں مزید تقویت مل ویسی ۔صدرمملکت سیاحت دے حوالے نال سعودی قیادت دے ویژن 2030 اتے ملک اچ جدت کیتے متعارف کرائے گے اقدامات دی تعریف کیتی تے ایں امید دا اظہار ک??تا جو ڈوہیں ملکاں وچال مستقبل اچ نیڑے تعاون تے سرمایہ کاری دے نویں مرحلے وختی ظاہر تھیسن۔ صدر مملکت سعودی ولی عہد کوں پاکستان دے شمالی علاقہ جات دا دورہ کرنڑدی وی ڈتی۔ایں موق?? تے سعودی ولی عہد شہزادہ محمد ب?? سلمان اپن??ے خطاب اچ پرتپاک میزبانی کرنڑتے پاکستانی قیادت دا شکریہ ادا ک??تا انہاں آکھیا ڈوہیں ملکاں وچال برادرانہ تعلقات مسلم اتحاد تے بھائی چارے دے اصولاں تے مبنی ہن تے اے ڈوجھیں کیتے قابل تقلید مثال ہن۔ انہاں آکھیا اے تعلقات ڈوہیں ملکاں دے عوام کیتے وی فائدہ مند ثابت تھن ، پاکستان اتے سعودی عرب دے بانیان انہاں تعلقات دی بنیاد سچائی تے رکھی اتے قیام پاکستان دے وقت توں اے نیڑے دے تعلقات قائم ہن۔بعد اچ صدر مملکت عارف علوی ایوان صدردے مرکزی دروازے تے معزز مہمان کوں الوداع کیتا۔ وزیراعظم عمران خان سعودی ولی عہد شہزادہ محمد ب?? سلمان دے ارلے ایوان صدر توں نور خان ایئر بیس تئیں خود گاڈی چلائی ۔
پاکستان تے سعودی عرب دی قیادت اپنڑے اپنڑے ملکاں دی ترقی تے خوشحالی کیتے ہکو وژن رکھیندی اے ،صدر مملکت ڈاکٹر عارف علوی دا سعودی ولی عہد محمد بن سلمان دے اعزازاچ ظہرانے دی تقریب نال خطاب
مضمون کا ماخذ : لاٹری کے سستے ٹکٹ
متعلقہ مضامین
