اسلام آباد ۔ 6 اگست (اے پی پی) وزیر اعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جوکشمیر دے معاملے تے حکومت اتے اپوزیشن وچال کوئی اختلاف کائنی ، کشمیریاں دا مقدمہ ہر فورم تے لڑسوں ۔اے گال انہاں منگل کوں پارلیمنٹ ہاﺅس دے باہروں میڈیا نال گال مہاڑ کریندے ہوئیں آکھی اے ۔انہاں آکھیے جو کشمیر اچ بھارت ہر گھر دے باہر 10 فوجی کھڑے کر ڈتن۔ اساکوں رل تے بھارتی اقدام دی مذمت کرنڑیں چاہیدی اے ۔انہاں آکھیے جو کشمیر دے معاملے تے حکومت اتے اپوزیشن ہک پیج تے ہن ۔ پاکستان کشمیر دے بغیر ادھورا اے، کشمیر اساڈی شہ رگ اے، رگاں اچ لہو بنڑ تے بھجدا رہسی ۔ انہاں آکھیے جوکشمیریاں دی سفارتی ، اخلاقی اتے سیاسی حمایت جاری رکھیسن۔ انہاں آکھیے جو مسئلہ کشمیر اقوام متحدہ دیاں قرارداداں دے مطابق حل تھیونڑاں چاہیدے ۔
مضمون کا ماخذ : ٹربو چارج
