بيجنگ -29 آڪٽوبر (اي پي پي) چين 30 آڪٽوبر تي انسان بردار خلائي مشن پنهنجي خلائي اسٽيشن ڏانهن روانو ڪندو. پرڏيهي ميڊيا مطابق ڊائريڪٽر چائنا مينڊ اسپيس ايجنسي (سي ايم ايس اي) لين شي چيانگ گذريل ڏينهن اعلان ڪيو آهي، ته چين جيوڪوان سيٽلائيٽ لانچ سينٽر تان 30 آڪٽوبر جي صبح جو 4 لڳي 27 منٽن تي لانگ مارچ- ايف 2 ڪيريئر راڪيٽ ذريعي انسان بردار خلائي مشن شينزو-19 خلائي اسٽيشن لاءِ روانو ڪندو. هن چيو ته مدار ۾ داخل ٿيڻ کان پوءِ انسان بردار خلائي مشن 6.5 ڪلاڪن ۾ خلائي اسٽيشن کي ڪور ماڊيول تيان سان ڳنڍجي ويندو. هن چيو ته خلائي مشن شينزو-18 ذريعي ويندڙ خلائي اسٽيشن تي اڳ ئي موجود عملو 4 نومبر تي ڪم مڪمل ڪرڻ کان پوءِ ان مشن ذريعي چين جي ڊونگ فينگ لينڊنگ سائيٽ تي واپس ويندو. ياد رهي ته شينزو 19 چين جي انسان بردار خلائي پروگرام جو 33هون فلائيٽ مشن آهي.
مضمون کا ماخذ : میگا ملینز کے نتائج
