منيلا – 08 جولاءِ (اي پي پي) فلپائن ۽ جاپان وچ ۾ اهم دفاعي معاهدي تي صحيحون ٿيون. گڏيل رسائي جي معاهدي(آر اي اي) تحت فلپائن ۽ جاپان هڪ ٻئي جي سرزمين تي فوجين جي مقرري جي اجازت ڏيندا. معاهدي تي صحيحون منيلا جي صدارتي محل ۾ جاپاني پرڏيهي وزير يوميڪو ڪاميڪاوا ۽ فلپائني دفاعي وزير گلبر ٽوتيوڊورو ڪيون. اهو معاهدو، جنهن تي ٽوڪيو ۽ منيلا نومبر 2023ع ۾ ڳالهه ٻولهه شروع ڪئي هئي. جاپان ۽ فلپائن کي تربيت ۽ ٻين ڪارروائين لاءِ دفاعي اهلڪارن کي هڪ ٻئي جي سرزمين تي موڪلڻ لاءِ قانوني فريم ورڪ فراهم ڪري ٿو. فلپائن ۽ جاپان آمريڪا جا پراڻا اتحادي آهن، جيڪي خطي ۾ چين جي وڌندڙ فوجي طاقت ۽ اثر رسوخ جو مقابلو ڪرڻ لاءِ آسٽريليا کان جاپان تائين پنهنجي اتحاد کي مضبوط ڪري رهيا آهن. اي پي پي/ م – ر / س – و / ج – پ 16:30
مضمون کا ماخذ : پاکستان لاٹری نمبر
