تاشقند _ 16 اپريل (اي پي پي ) سعودي پرڏيهي وزير شهزاده فيصل بن فرحان ازبڪستان جي گادي واري شهر تاشقند ۾ جي سي سي ۽ وچ اوڀر ايشيائي ملڪ جي ٻين وزارتي اجلاس ۾ علائقائي استحڪام لاءِ جي سي سي ، مرڪزي ايشيا جي سهڪار تي زور ڏنو آهي . ايس پي اي مطابق شهزاده فيصل بن فرحان پنهنجي خطاب ۾ جي سي سي ۽ مرڪزي ايشيائي ملڪن جي لاڳاپن کي ساراهيندي خطي ۾ استحڪام ۽ عوام جي خوشحالي لاءِ ان جي اهميت تي زور ڏنو . سعودي پرڏيهي وزير فلسطيني عوام جي حقن جي ضمانت ۽ علائقي ۾ امن جي قيام لاءِ گڏيل ڪوششن جي ضرورت تي زور ڏنو . اجلاس ۾ اسرائيل کان مطالبو ڪيو ويو ته هو غزه جي پٽي جي متاثرن جي بحالي لاءِ انساني عالمي قانوني جو احترام ڪندي فوري بنيادن تي امدادي سامان جي فراهمي کي يقيني بڻائي . اجلاس ۾ فلسطيني تڪرار جي سياسي حل تي اهميت ۽ 1967 ع کان اڳ جي سرحدي تقسيم جي بحالي سان گڏ آزاد ۽ خود مختيار سلامتي رياست جي قيام جي اهميت تي به زور ڏنو ويو .
سعودي پرڏيهي وزير جو علائقائي استحڪام لاءِ جي سي سي ۽ وچ اوڀر ايشيا جي سهڪار تي زور
مضمون کا ماخذ : گرم سے زیادہ گرم
متعلقہ مضامین
