اسلام آباد۔15نومبر (اے پی پی) وفاقی وزیرداخلہ محسن نقوی نال ترکیہ دے وزیر داخلہ علی یرلیکایا ملاقات کیتی جئیں اچ آپسی دلچسپی دے معاملے، پاک ترکیہ تعلقات دے ودھارے تے ڳالھ کیتی ڳئی۔ ملاقات اچ ترکیہ اچ 3 پاکستانی قیدیاں دی وطن واپسی بارے ڳالھ کیتی ڳئی۔ وفاقی وزیرداخلہ محسن نقوی آکھیا جو ترکیہ نال تاریخی برادرانہ تعلقات ہن۔ پاکستان اتے ترکیہ ڳھاٹے مذہبی رشتے اچ بدھیے ہوئن۔ وزیر داخلہ محسن نقوی ترکیہ دے ہم منصب کوں پاکستان دے دورے دی دعوت ݙتی۔ ترکیہ دے وزیرداخلہ آکھیا جو پاکستان برادر ملک اے، جلدی اسلام آباد دا دورہ کریساں۔ ترکیہ دے وزیر داخلہ پاکستانی قیدیاں دی وطن واپسی بارے تعاون دا یقین ݙوایا۔ وفاقی وزیرداخلہ محسن نقوی 23 اکتوبر کوں انقرہ اچ دہشتگرداں دے حملے دی شدید الفاظ اچ مذمت کریندیں ہوئیں آکھیا جو دہشت گرداں دا کوئی مذہب اے نہ علاقے، دہشت گردی دا خاتمہ ایں ویلھے عالمی چیلنج اے۔ وزیر داخلہ محسن نقوی ساہا انٹرنیشنل ایکسپو تے بہترین انتظامات اتے مزمان نوازی تے ترکیہ دے وزیرداخلہ دا شکریہ ادا کیتا۔
وزیر داخلہ دی ترکیہ دے ہم منصب نال ملاقات، آپسی دلچسپی دے معاملیاں تے ڳالھ کیتی ڳئی
مضمون کا ماخذ : میگا ملینز کا جیک پاٹ
متعلقہ مضامین
