لاہور۔8نومبر(اے پی پی) سموگ اتے کوہیڑ پاروں موٹر وے ٻہوں ساریاں جہیں تے بند کرݙتی ڳئی ۔ ترجمان موٹروے موجب اڄوکی سموگ دی شدید لہر تے کوہیڑ پاروں تاحد نگاہ گھٹ تھیوݨ پاروں موٹروے مختلف جہیں تے بند کیتی ڳئی اے ۔ کوہیڑ پاروں ایم 2 لاہور توں خانقاہ ڈوگرہ تئیں ، ایم 3 لاہور توں جڑانوالہ تئیں ،ایم 3 فیض پور توں درخانہ تئیں ،ایم 4 گوجرہ توں عبد الحکیم تئیں بند کیتی ڳئی اے ۔ترجمان آکھیے موٹرویز کوں عوام دی حفاظت اتے محفوظ سفر یقینی بݨاوݨ سانڳے بند کیتا ویندے، شہریاں توں اپیل اے جو روڈ یوزرز زیادہ توں زیادہ ݙینھ کوں سفر کرݨ تے ترجیح ݙیون ۔انھاں ہدایت کیتی جو کوہیڑ دے ݙینھاں اچ سفر سانڳے بہترین ویلھا سویلے 10 توں شام 6 وڄے تئیں دا اے ، روڈ یوزرز گاݙی دے اڳوں تے پچھوں کوہیڑ آلیاں لائٹاں استعمال کرن، روڈ یوزرز غیر ضروری سفر نہ کرن ، تکھی رفتار توں پرہیز کرن تے اڳلی گاݙی توں مناسب فاصلہ رکھن ، روڈ یوزرزکہیں وی معلومات یا مدد سانڳے ہیلپ لائن 130 تے رابطہ کرن۔
