اسلام آباد۔7نومبر (اے پی پی) قائم مقام صدر سید یوسف رضا گیلانی قطر نال آپسی فیدے دے شعبیاں آچ ݙوپاسہ تعلقات ودھاوݨ دی اہمیت تے زور ݙیندیں ہوئیں آکھیا جو ݙوہیں برادر ملکاں قطر وچال اقتصادی اتے تجارتی تعلقات ودھاوݨ دی گنجائش موجود اے۔ پاکستان اچ سرمایہ کاری موقع موجود ہن۔ قطری کمپنیاں پاکستان اچ سرمایہ کاری کیتے سازگار ماحول توں فیدہ چاون۔ ایوان صدر دے پریس ونگ موجب قائم مقام صدر سید یوسف رضا گیلانی قطر دے سفیر علی مبارک علی عیسیٰ الخاطر نال ڳالھ مہاڑ کریندے پئے ہن جنہاں خمیس کوں انہاں نال ملاقات کیتی۔ قائمقام صدر سید یوسف رضا گیلانی فیفا ورلڈ کپ 2022 دی کامیابی تے قطر دی تعریف کیتی۔ انہاں پاکستانی تارکین وطن دی میزبنی تے حکومت قطر دا شکریہ وی ادا کیتا۔ قائم مقام صدر آکھیا جو قطر اچ رہݨ آلے پاکستانی ݙوہیں ملکاں وچال ثقافتی رابطے ودھاوݨ اچ ہک مضبوط پل وانڳوں ہن۔ قطر دے سفیر پاکستان کوں ہک کاروبار دوست ملک دے طور تعریف کریندیں ہوئیں آکھیا جو قطر دے وزیرسرمایہ کاری جلدی آپݨے وفد نال پاکستان دا دورہ کریسن۔ وفد مختلف شعبیاں اچ سرمایہ کاری دے امکانات دا جائزہ ڳھنسی۔ امید اے جو وزیرِ اعظم شہباز شریف دے اڄوکے دورہ قطر نال ݙوہیں ملکاں وچال سرمایہ کاری دےتعلقات ٻئے گھاٹے تھیسن۔
پاکستان اتے قطر وچال اقتصادی اتے تجارتی تعلقات ودھاوݨ دی گنجائش موجود اے، سید یوسف رضا گیلانی
مضمون کا ماخذ : نقدی پھٹنا
متعلقہ مضامین
