گلگت۔6نومبر(اے پی پی)وزیراعظم محمد شہباز شریف وزیراعلیٰ سیکرٹریٹ گلگت بلتستان اچ یادگار شہدا تے حاضری ݙتی تے پھلاں دی چادر چڑھائی ۔ وزیراعظم محمد شہبازشریف گلگت بلتستان دے ھک ݙینھ دے دورے تے پڄے ، وزیر اعلیٰ سیکر ٹریٹ آوݨ تے وزیر اعظم کوں ٻالاں پھل پیش کیتے ۔وزیراعظم محمد شہباز شریف دے آوݨ تے چیف منسٹر سیکریٹریٹ گلگت بلتستان اچ انھاں د اعزاز اچ گارڈ آف آنر پیش کیتا ڳئے ۔ وزیراعظم چیف منسٹر سیکریٹریٹ گلگت بلتستان اچ یادگار شہداء تے حاضری ݙتی تے یادگار شہداء تے پُھلاں دی چادر چڑھائی ۔ وزیراعظم گلگت بلتستان سکائوٹس دیاں قربانیاں کوں خراج عقیدت پیش کریندے آکھیے خطے اچ امن دے قیام اتے لوکاں دے جان و مال دی حفاظت سانڳے گلگت بلتستان سکاؤٹس دے نڈر نینگراں دیاں قربانیاں کݙاہیں بُھلائیاں نی ونڄ سڳدیاں۔
مضمون کا ماخذ : سپر اسپنر
