اسلام آباد۔17اکتوبر(اے پی پی) ایوان بالا ایس سی او سربراہ کانفرنس دے کامیاب انعقاد تے حکومت کوں مبارک دی قرارداد منظور کرڳھدی۔ قراردار سینیٹر شیری رحمن پیش کیتی جو سینیٹ اسلام آباد اچ ایس سی او سربراہان حکومت کانفرنس اچ کثیرالجہتی مصروفیات اتے اعلیٰ ترین سطح تے غیر معمولی کامیاب تقریب کراوݨ تے حکومت کوں مبارک ݙیندی اے، کانفرنس دی کامیابی ڄڳ اچ پاکستان دے مقام دی راہ اچ ہک نویں تبدیلی دا اشارہ ݙیندی اے، یقین اے جو ایں تقریب اچ تھیوݨ آلی اڳونہی پاکستان دے ودھدے جغرافیائی معاشی مقام اتے علاقائی روابط، سرمایہ کاری، انفراسٹرکچر، موسمیاتی اتے سیکورٹی اہداف ودھاوݨ کیتے کردار ادا کریسی۔ چیئرمین سینٹ سید یوسف رضا گیلانی قرارداد منظوری کیتے ایوان اچ پیش کیتی جیندی ایوان کثرت رائے نال منظوری ݙتی۔ ایں توں پہلے سینیٹر شیری رحمن آکھیا جو شنگھائی تعاون تنظیم دے کامیاب انعقاد تے مبارک دی قرارداد تے پی ٹی آئی دے سوا ساریاں سیاسی جماعتاں دستخط کیتن، ایس سی او اجلاس اچ کثیر الجہتی تعاون، علاقائی روابط دے ودھارے، انفراسٹرکچر، موسمیاتی تبدیلی دے اہداف تے ڳالھ مہاڑ تھئی اے، اے ساݙی خارجہ پالیسی کیتے اہم ثابت تھیسی، ہک وݙی مُد بعد اتنا وݙا ایونٹ تھئے۔ چیئرمین سینیٹ سید یوسف رضا گیلانی آکھیے جو کانفرنس سانڳے اپوزیشن وی مثبت کردار ادا کیتے۔
ایوان بالا ایس سی او سربراہ کانفرنس دے کامیاب انعقاد تے حکومت کوں مبارک دی قرارداد منظور کرڳھدی
مضمون کا ماخذ : ولف گولڈ
متعلقہ مضامین
