اسلام آباد۔22ستمبر(اے پی پی) پاکستان ریلویز دے چیف ایگزیکٹو افسر (سی ای او) عامر علی بلوچ آکھیے مسافراں سانڳے بہترین اتے معیاری سفر سانڳے نویں سروسز متعارف کرائیاں ڳئن ، پاکستان ریلویز مسافراں سانڳے کرائے گھٹ کرتے سفر کوں مزید پرکش بݨاوݨ سانڳے اہم اقدامات کریندی پئی اے ، مسافراں سانڳے سستی جدید ترین ایئر کنڈیشنڈ ریل گاݙیاں متعارف کرائیاں ڳئن ۔ آپݨے ھک انٹرویو اچ انھاں پاکستان دے ریل نیٹ ورک کوں بحال کرݨ تے پاکستان ریلوے کوں عالمی معیار دے ٹرانسپورٹیشن سسٹم اچ بدالݨ سانڳے ھک پرجوش منصوبے دی تفصیلات دا وی ݙسائے۔ انھاں آکھیے پاکستان ریلوے ساریاں مسافر ریل گاݙیاں بشمول ایئر کنڈیشنڈ اتے اکانومی کلاسز دے کرائے 10 فیصد گھٹا ݙتن ، کرائے اچ کمی 23 ستمبر توں لاگو ہوسی جیڑھی جو ایکسپریس اتے میل ݙوہیں ریل گاݙیاں تے لاگو ہوسی ، پاکستان ریلویز آپریشن اتے کارکردگی دی بہتری اتے وسائل دے انتظام کوں چنڳاں بݨاوݨ سانڳٖ اہم تبدیلیاں توں گزردی پئی اے ، اے تبدیلی ریلوے نظام کوں جدید بݨاوݨ سانڳے ھک وݙی حکمت عملی دا حصہ اے جیں توں ریلویز مسافراں سانڳے زیادہ قابل اعتماد اتے آرام دہ سفر دا ذریعہ بݨ ویسی ، وزیراعظم محمد شہباز شریف دے وژن دے تحت پاکستان ریلوے بغیر کہیں رکاوٹ دے سفر دی بہترین اتے معیاری سہولتاں ݙیوݨ سانڳے جدید ٹیکنالوجی کوں اپناوݨ سانڳے پرعزم اے ، انھاں یقین ݙیوائے جو ساݙی جدید کاری دیاں کوششاں ریل دے سفر کوں تکھا ، محفوظ اتے مسافراں سانڳے زیادہ پرلطف بݨیسن۔
پاکستان ریلویز سستے اتے معیاری ایئر کنڈیشنڈ سفر دیاں سہولتاں متعارف کراݙتن، کرائے 10 فیصد گھٹا ݙتن، سی ای او پاکستان ریلویزعامر بلوچ
مضمون کا ماخذ : números quina hoje
متعلقہ مضامین
