اسلام آباد۔13فروری (اے پی پی) وزیراعظم عمران خان آکھیا جو چین دے اڄوکے دورے نال پاکستان اتے چین دے تعلقات کوں ہک نویں جہت ملی اے۔ چین دی قیادت پاکستان دی معیشت تے پورا اعتماد کیتے، چینی قیادت پاکستان اچ سرمایہ کاری کرݨ چاہمدی اے۔ پاکستان اتے چین سٹریٹجک سانجھے داری دا راہ دا تعین کر ڳھدے اتے سی پیک سودھے مختلف شعبیاں اچ نیڑے دے تعلقات کوں اڳوں ڳھن تے ٹردے پیوں۔ افغانستان کوں انسانی بحران توں بچاوݨ کیتے سارے متفق ہن، حالات خراب تھیے تاں امریکہ کوں وی اوکھ تھیسی، کورونا دا بہترین حکمت عملی نال مقابلہ کیتے، کہیں کوں خوش کرݨ دی بجائے اصلاحات کرݨ چاہندوں، کورونا دے بعد پاکستان دی معیشت بہتری آلے پاسے ٹر پئی اے، انہاں اے ڳالھیں سابق سفیراں اتے تھنک ٹینک دے نمائندیاں نال ڳالھ مہاڑ کریندیں ہوئیں آکھی۔ ملاقات اچ وفاقی وزیر اطلاعات اتے نشریات چوہدری فوادحسین ، وزیر خارجہ شاہ محمود قریشی، وفاقی وزیر خزانہ شوکت ترین اتے وزیراعظم دے معاونین خصوصی وی موجود ہن۔
چین دے اڄوکے دورے نال پاکستان اتے چین دے تعلقات کوں ہک نویں جہت ملی اے، وزیراعظم عمران خان دی سابق سفیراں اتے تھنک ٹینک دے نمائندیاں نال ڳالھ مہاڑ
مضمون کا ماخذ : میگا ملینز لاٹری
متعلقہ مضامین
