اسلام آباد۔10فروری(اے پی پی)وزیراعظم عمران خان ڳھٹ لاگت ہائوسنگ منصوبیاں کوں ویلھے تے مکمل کرتے طریقہ کار سوکھا کرݨ دی دہایت کریندے آکھیے جو 1.4 ٹریلین روپے دے 70 ہزار توں ودھ ہائوسنگ منصوبیاں دی منظوری ݙتی ڳئی اے جیندے نال تعمیراتی صنعت تے 7.3 ٹریلین روپے دا اثر پوسی اتے 12 لکھ ملازمتاں نکلسن، اے پی ٹی آئی حکومت دی وݙی کامیابی اے جو کل 80 درخواستاں اچوں 130 ارب روپے دی 35,420 درخواستاں منظور تھین، ہݨ تئیں 13,407 درخواست دہندگان کوں کل 46 ارب روپے ݙتن۔ اے ڳالھ انہاں اسلام آباد اچ ہائوسنگ، تعمیرات اتے ترقی بارے این سی سی دے اجلاس دی صدارت کریندے آکھی۔ انہاں آکھیا جو ہفتہ وار 7 ارب روپے دیاں درخواستاں ملدیان پن، جیندے اچوں 4 ارب روپے منظور اتے 2 ارب روپے ہر ہفتے ونݙیندے پن، پی ٹی آئی حکومت ڳھٹ آلے طبقے کوں سستے مکان ݙیوݨ کتیے وݙی کامیابی ڳھدی اے، ساݙا وݙا مقصد مالیاتی اداریاں دی اشرافیہ دی سوچ وٹاوݨ اتے عام لوکاں کوں قرض ݙیوݨ اچ سوکھ ݙیوݨ ہا۔ انہاں آکھیا جو حکومت دے چھیکڑی 3 سالاں اچ ہائوسنگ فنانس اچ 148 فیصد ودھارا اتے دسمبر 2022 تئیں 517 ارب روپے دی متوقع منظوری حکومت دے ڳھٹ لاگت ہائوسنگ و تعمیراتی صنعت کوں سہولت دے اقدامات دا ثبوت اے۔ فورکلوژر قانون دے نفاذ اتے سبسڈی مارک اپ(محض 2فیصد ) نال طویل المدتی (20 سال تئیں) قرضے ݙیویندے پن، ڳھٹ آمدنی آلیاں ہائوسنگ اسکیماں کیتے 3 لکھ روپے دی سبسڈی اتے 90 فیصد ٹیکس چھوٹ نال نجی شعبے دی حوصلہ افزائی تھئی اے، انہاں منصؤبیاں اچ اربن، پیری اربن، اربن ری جنریشن، حکومتی مالی اعانت اتے نجی شعبے دے منصوبے شامل ہین۔ اجلاس اچ وفاقی وزراء شوکت فیاض ترین، فواد چوہدری، وزیر مملکت فرخ حبیب، وزیراعظم دے معاون خصوصی ڈاکٹر شہباز گل، گورنر سٹیٹ بنک، چیئرمین این اے پی ایچ ڈی اے لیفٹیننٹ جنرل انور علی حیدر (ریٹائرڈ)، چیف ایگزیکٹو آفیسر آر یو ڈی اے عمران امین اتے پنجاب و بلوچستان دے چیف سیکرٹریز دے علاوہ ٻئے متعلقہ اعلیٰ حکام شرکت کیتی۔
ڳھٹ لاگت ہائوسنگ منصوبیاں کوں ویلھے تے مکمل کرتے طریقہ کار سوکھا کیتا ونڄے، وزیراعظم عمران خان دا ہائوسنگ، تعمیرات و ترقی بارے قومی رابطہ کمیٹی اجلاس نال خطاب
مضمون کا ماخذ : لاٹری کے عمومی نمبر
متعلقہ مضامین
