اسلام آباد۔27دسمبر (اے پی پی) وزیر خارجہ مخدوم شاہ محمود قریشی آکھیا جو اقتصادی سفارت کاری دی کامیابی کیتے اساں کوششاں کرݨی پوسن، ملکی برآمدات کوں ودھاوݨ کیتے نویں اقدامات دی لوڑھ اے۔ روشن ڈیجیٹل اکاؤنٹ اقدام دے تحت، 175 ملکاں توں اکاؤنٹس اچ 2.9 ارب ڈالر توں ودھ رقم جمع تھئی اے۔ سنوار کوں وزارت خارجہ اچ اقتصادی سفارت کاری بارے اعلیٰ سطحی اجلاس دی صدارت کریندیں ہوئیں انہاں آکھیا جو میکوں اے جاݨ تے خوشی تھئی اے جو اقتصادی سفارت کاری تے توجہ ودھدی پئی اے۔ اجلاس اچ اسپیشل سیکرٹری خارجہ رضا بشیر تارڑ، مختلف ملکاں اچ تعینات سفیر سودھے وزارت خارجہ دے سینئر افسر سودھے نیو یارک اچ پاکستان دے مستقل مندوب منیر اکرم ،امریکا اچ پاکستان دے سفیر اسد مجید ،ترکی اچ پاکستان دے سفیر سائرس سجاد قاضی، آسٹریا اچ پاکستانی سفیر آفتاب احمد کھوکھر، ایران اچ تعینات پاکستانی سفیر رحیم حیات قریشی ،روس اچ پاکستان دے سفیر شفقت علی خان، نیدرلینڈ اچ تعینات پاکستانی سفیر سلجوک مستنصر تارڑ، جنیوا اچ پاکستان دے مستقل مندوب خلیل ہاشمی شریک تھیے۔
اقتصادی سفارت کاری دی کامیابی کیتے اساں کوششاں کرݨی پوسن، ملکی برآمدات کوں ودھاوݨ کیتے نویں اقدامات دی لوڑھ اے، وزیر خارجہ مخدوم شاہ محمود قریشی
مضمون کا ماخذ : فا فا فا ۔
متعلقہ مضامین
