اسلام آباد۔7دسمبر (اے پی پی):وزیراعظم دے ترجمان و معاون خصوصی سیاسی ابلاغ ڈاکٹر شہباز گل آکھیے جو سانحہ سیالکوٹ تے پوری قوم شرمندہ اے، سری لنکا دی عوام کیتے ہر پاکستانی دے دل وچ خاص محبت اے، پاکستانی عوام اوکھے ویلھے پریانتھا کمارا اتے ایندی فیملی دے رلے کھڑن ۔ اے ڳال انہاں اسلام آباد اچ سری لنکن ہائی کمشنر نال ڳال مہاڑ کریندے ہوئیں آکھی اے جنہاں منڳل کوں اتھاں انہاں نال ملاقات کیتی ۔ ملاقات اچ ڈاکٹر شہباز گل سری لنکن ہائی کمشنر موہن ویجے ویکراما نال سانحہ سیالکوٹ اچ جاں بحق تھیوݨ آلے پریانتھا کمارا دی تعزیت کیتی۔ ایں موقع تے ڈاکٹر شہباز گل آکھیے جو سانحہ تے پوری قوم شرمندہ اے، سری لنکا دی عوام کیتے ہر پاکستانی دے دل وچ خاص محبت اے۔ پاکستانی عوام اوکھے ویلھے پریانتھا کمارا تے ایندی فیملی دے نال رلے کھڑن ۔ حملے اچ ملوث درندہ صفت انساناں دے عمل تے ہر پاکستانی کاوڑ کیتی اے ۔ معاون خصوصی آکھیے جو پوری دنیا توں اوورسیز پاکستانیاں وی سری لنکن عوام نال تعزیت اتے معذرت کیتی اے ے۔ وزیراعظم پاکستان پنجاب حکومت کوں ملزمان دی جلدی گرفتاری اتے عبرتناک سزا ݙیواوݨ دی ہدایت کیتی اے ۔
سانحہ سیالکوٹ تے پوری قوم شرمندہ اے، سری لنکا دی عوام کیتے ہر پاکستانی دے دل اچ خاص محبت اے، ڈاکٹر شہباز گل
مضمون کا ماخذ : راکی
متعلقہ مضامین
