اسلام آباد۔17ستمبر(اے پی پی):وفاقی وزیر برائے منصوبہ بندی ترقی، اصلاحات اتے خصوصی اقدامات اسد عمر آکھے جو ٹرانسپورٹ کوریڈور دی ترقی اڄوکی حکومت دی ترقیاتی حکمت عملی کیتے اہم اے اتے سکھر-حیدرآباد موٹر وے شمال جنوبی رابطے دا ہک اہم حصہ ہوسی اتے ایندے دور رس سماجی تے معاشی اثرات وی نکلسن۔ پبلک پرائیویٹ پارٹنرشپ اتھارٹی دے 17 ویں بورڈ آف ڈائریکٹرز دا اجلاس وزیر منصوبہ بندی، ترقی اتے خصوصی اقدامات اسد عمر دی صدارت اچ تھیا ۔ ڈپٹی چیئرمین پلاننگ کمیشن، سیکرٹری پلاننگ کمیشن ،سیکرٹری مواصلات، ممبر پرائیویٹ سیکٹر ڈویلپمنٹ، چیئرمین این ایچ اے ، سی ای او پی تھری اے اتے بورڈ دے ڈو پرائیویٹ ممبر ہما اعجاز زمان تے اکبر ایوب خان اجلاس اچ شرکت کیتی ۔ اجلاس اچ سکھرحیدر آباد موٹروے منصوبے دی بولی دی دستاویزات دی منظوری ڈتی گئی۔ منصوبہ دی سرکاری تے نجی شراکت داری دے تحت لاگت گھٹ ودھ191ارب روپے اے۔ بورڈ پبلک پرائیویٹ پارٹنرشپ ورکنگ پارٹی (P3WP) ریگولیشنز ، 2021 دی منظوری وی ڈتی ۔
وفاقی وزیر اسد عمر دی صدارت اچ پبلک پرائیویٹ پارٹنرشپ اتھارٹی دے بورڈ آف ڈائریکٹرز دا اجلاس
مضمون کا ماخذ : جنگل کی روح: جنگلی کی کال
متعلقہ مضامین
