اسلام آباد۔9اگست (اے پی پی):وفاقی وزیر ریلوے اعظم خان سواتی کوئٹہ بم دھماکے دی مذمت کریندے ہوئیں آکھیے جو انہاں کوں بم دھماکے اچ شہید تھیوݨ آلے پولیس دے نینگراں دی شہادت تے ݙکھ تے افسوس تھئے ، اللہ تعالیٰ شہدا دے اچے درجے کرے اتے زخمیاں کوں صحت ݙیوے ، وفاقی وزیر آکھیے جو او شہیداں دے لواحقین دے لواحقین دے ݙکھ اچ برابر دے شریک ہن ، مادر وطن دے تحفظ اتے دفاع کیتے شہدا دیاں عظیم قربانیاں ضائع نہ ویسن ۔انہاں آکھیے جو ریاست مخالف قوتاں بلوچستان دے امن، ترقی اتے خوشحالی دے عمل کوں سبوتاژ کرݨ چاہندن ، دہشتگرد پوری انسانیت دے دشمن ہن ۔ وفاقی وزیرآکھیے جو شہریاں تے پولیس حکام تے لک تے حملہ کرݨ آلے شر پسنداں بزدلی دا ثبوت ݙتے ،عوام کوں ݙراوݨ دی خواہش کݙاہیں کامیاب نہ تھیسی۔
مضمون کا ماخذ : پاور بال انعامات
