گلگت۔30اپریل(اے پی پی)وزیر اعظم عمران خان آکھیے جو گلگت بلتستان سیاحت نال آپ کما تے اڳو تے ودھ سڳدے، گلگت بلتستان کیتے 370 ارب روپے دا پیکیج شروعات اے، ٻئے وی فنڈز ݙیسوں، سکردو ایئرپورٹ توں بین الاقوامی پروازاں چلیسوں، انصاف و قانون دی بالادستی دے بغیر کوئی ملک خوشحال نئیں تھی سڳدا، وݙے اتے طاقتور لوک چوری کریندن تاں ایندے نال ملک تباہ تھی ویندن، ملک دا پیسہ چوری کرݨ آلے غدار اتے قومی مجرم ہین۔ اے ڳالھ انہاں دورہ غلگت بلتستان اچ مختلف منصوبیاں دے افتتاح ویلھے آکھی۔ انہاں آکھیا جو میݙی تربیت چوراں دے خلاف جدوجہد دی اے جیندے اچ میں ضرور کامیاب تھیساں۔ انہاں غلگت بلتستان کیتے 370 ارب روپے دے پیکج دا وی اعلان کیتے۔ انہاں آکھیے جو گلگت بلتستان سوئٹزر لینڈ توں وی ودھ سوھݨا اے، اتھاں انڈسٹریل زون توںو دھ سمال انڈسٹریز فیدہ ݙے سڳدی اے، اتھو دے پھلاں دی برآمدات کیتے فوڈ پروسیسنگ یونٹس ݨائے ونڄن، سیاحت توں فیدہ چاتا ونڄے، غلگت بلتستان کوں ترقی ملݨ نال مقامی لوکاں کوں روزگار ملسی اتے علاقہ خوشحال تھیسی۔ انہاں آکھیا جو ساݙے پیارے نبی صلی اللہ علیہ وسلم دی ذات ڄڳ کیتے رول ماڈل اے، انہاں دا اقتدار اتے ریاست عوام کیتے ہئی، انہاں کمزور طبقہ تے خرچ کیتے، ڄڳ اچ تاریخ دی پہلی فلاحی ریاست بݨا ݙتی، اساں اڄ وی انہاں کیتے جاݨ وارݨ کوں تیار ہین۔ وزیر اعظم آکھیے جو گلگت بلتستان دا کمیونٹی سسٹم ٻہوں مضبوط اے، اتھاں اتفاق، امن اے، بلدیاتی انتخابات نال اتھاں نظام بہتر کرسڳدے ہیں۔
گلگت بلتستان کیتے 370 ارب روپے دا پیکیج شروعات اے، ملک دا پیسہ چوری کرݨ آلے غدار اتے قومی مجرم ہین، وزیراعظم عمران خان
مضمون کا ماخذ : رومن دولت
متعلقہ مضامین
