اسلام آباد۔17مارچ (اے پی پی):وزیر خارجہ مخدوم شاہ محمود قریشی آکھیے جو پی ڈی ایم دا اندرلا انتشار، کھل تے سامݨے آ چکے ۔پیپلز پارٹی، کہیں صورت سندھ حکومت دی قربانی نہ ݙیسی ۔ٻدھ کوں پی ڈی ایم دے حوالے نال اہم بیان اچ وزیر خارجہ آکھیے جو میں ہمیشہ آکھیے جو پی ڈی ایم ہک غیر فطری اتحاد اے ، انہاں دا منشور تے سوچ ہک کائنی ، اے ڳٹھ جوڑ محض مفادات دی وجہ توں اے ،شاہ محمود قریشی آکھیے جو سینٹ انتخابات اچ ہک ݙوجھے تے شکوک و شبہات دا اظہار کریندے رہین جݙاں جو اڄ انہاں دا اندرلا انتشار، کھل تے سامݨے آچکے ۔وزیر خارجہ آکھیے جو کل آصف علی زرداری استعفیں کیتے نواز شریف دی واپسی دی شرط رکھی جیں کوں مریم نواز اوں اجلاس اچ مسترد کرݙتے ۔استعفیں دے مطالبے دے حوالے نال میݙے بیانات ریکارڈ تے موجود ہن ۔میں شروع توں اکھیندا آندا جو پیپلز پارٹی استعفے کائناں ݙیسی ۔پیپلز پارٹی، کہیں صورت سندھ حکومت دی قربانی نہ ݙیسی ۔ شاہ محمود قریشی آکھیے جو پی ڈی ایم دا اتحاد، نیب دی وٹھ توں بچݨ کیتے ہے ۔پیپلز پارٹی اتے نون لیگ ݙوہیں آپݨے آپݨے مفادات کیتے ہک ݙوجھے کوں استعمال کریندے پئے ہن ۔
پی ڈی ایم دا اندرلا انتشار کھل تے سامݨے آ چکے ،پیپلز پارٹی کہیں صورت سندھ حکومت دی قربانی نہ ݙیسی ،وزیر خارجہ مخدوم شاہ محمود قریشی
مضمون کا ماخذ : loteria do Paraná
متعلقہ مضامین
