واشنگٹن ۔ 19 اگست (اے پی پی) وزیراعظم آزاد کشمیر راجہ فاروق حیدر امریکی صدر دے مشیر ساجد تارڑ نال ملاقات کیتی جیں اچ مسئلہ کشمیر سمیت کشمیریاں تے بھارتی ظلم تے مقبوضہ کشمیر دی تازہ ترین صورت حال تے گال مہاڑ کیتی گئی ۔ایں موقع تے وزیراعظم آزاد کشمیر آکھیا جو بھارتی فوج کنٹرول لائن تے شہری آبادی کوں نشانہ اتے ممنوعہ کلسٹر بماں دا استعمال کریندی پئی اے ۔ انہاں آکھیا جو مقبوضہ کشمیر اچ کشمیریاں تے عرصہ حیات تنگ کر ڈتا گے ، وادی اچ 15 ڈینھ توں کرفیو نافذ اے، مقبوضہ کشمیر ہک جیل بنڑ گے ۔انہاں آکھیا امریکا اقوام متحدہ دیاں قرارداداں دے مطابق مسئلہ کشمیر حل کرنڑ اچ کردار ادا کرے۔ امریکی صدر دے مشیر ساجد تارڑ آکھیا جو صدر ڈونلڈ ٹرمپ مسئلہ کشمیر دے پرامن حل تے یقین رکھیندن ۔ انہاں بھارتی فوج ولوں انسانی حقوق دیاں خلاف ورزیاں دی شدید مذمت کیتی۔
مضمون کا ماخذ : کمپیوٹر لاٹری انعامات
