اسلام آباد 02اپرېل(اے پی پی)وزيراعظم محمد شهباز شريف وئېلي دي چېلنجونه په موقعو بدلولو لپاره د غېر ملكي سرمايه كارۍ ودې ته پام لرنه كوو ٬وفاقي وزارتونو كښې به د سرمايه كارۍ په اړه جدت او تحقيق لپاره خاص سيلز جوړولې شي٬ټول وزارتونو دې خليجي هېوادونو سره په خپلو اړوندو مفاهمتي يادښتونو د پېشرفت په اړه دغې هېوادونو سره روابطو كښې لا ښه والي راولي٬ د مظفر ګړھ٬ ليه او جهنګ شمسي توان پروژو كښې د سرمايه كارۍ په اړه دې ټولې تقاضې پوره كړې شي٬د ريكوډك نه تر ګوادر بندر ګاه د رېلوے كنيكټوټي لپاره دې فزيبلټي سټډي وكړې شي٬د تهركول تر پاور پلانټس رسنې لپاره دې رېلوے په لائن كار پېل كړے شي۔د نهې په ورځ د وزيراعظم آفس ميډيا ونګ لخوا جاري شوي بيان له مخې د وزيراعظم محمد شهباز شريف په مشرۍ كښې د بهرنۍ سرمايه كارۍ په اړه مهمه جائزه غونډه وشوه۔په غونډه كښې سرمايه كارۍ سهولت كونسل له مخې خليجي هېوادونو سره د لوظ نامو او مفاهمتي يادښتونو د پېشرفت جاج واغستلے شو ۔غونډه كښې ګډون كوونكو سره په خبرو كښې وزيراعظم محمد شهباز شريف ووئيل چېلنجونه په موقعو بدلولو لپاره د غېر ملكي سرمايه كارۍ وده وړومبۍ ترجيح ده۔ده ووئيل سرمايه كارو ته به هر ممكنه آسانۍ وركولې شي۔ده ووئيل وفاقي وزارتونو كښې به د سرمايه كارۍ په اړه جدت او تحقيق لپاره خاص سيلز جوړولې شي۔وزيراعظم ووئيل د خاص سرمايه كارۍ سهولت كونسل جوړولو څخه د سرماي كارو اعتماد بحالۍ له مرسته ترلاسه شوې۔وزيراعظم هدايت وكړو چې داسې پروژې كومې چې د سرمايه كار راغب كولو استعداد لري د هغې فزيبلټي سټډي دې وكړې شي او په دې اړه دې د نړيوال شهرت وړ پوهانو خذمات ترلاسه كړے شي۔وزيراعظم ټولو وزارتونو ته خليجي هېوادونو سره د خپلو اړوندو مفاهمتي يادښتونو پېشرفت په اړه دغې هېوادونو سره د روابطو لا ښه والي راوستلو هم هدايت وكړو ۔وزيراعظم سپارښتنه وكړه چې مظفرګړھ٬ليه او د جنګ شمسي توان پروژو كښې بهرنۍ سرمايه كارۍ په اړه تر ټولو ضروري تقاضې پوره كړئ۔د دې نه علاوه د وزيراعظم لخوا د ريكوډك نه تر ګوادر بندرګاه رېلوے كنيكټوټي لپاره د فزيبلټي سټډي كولو هم ووئېل۔په غونډه كښې ووئېل شول د خليجي هېوادونو سره د توان خاص توګه د تجديد وړ توان٬ آئل ریفائننګ، کان کنی، غذائی تحفظ ، بینکنګ اینډ فنانشل سروسز ، لاجسټکس ، واټر سپلائي او ویسټ مینجمنټ په څانګو كښې ګڼ شمېر سرمايه كارۍ موقعې موجود دي۔په غونډه كښې د سمندري چارو وفاقي وزير قيصر احمد شېخ٬ وفاقی وزیر اویس احمد خان لغاري ، د اقتصادي چارو وفاقي وزیر احد خان چیمه٬ د وزیراعظم خاص مرستيال طارق فاطمي ،د قامي اسمبلی غړي بلال اظهر کیاني او اړوند اعلٰی سركاري افسرانو ګډون كولو۔ په دې مهال د خزانې وفاقي وزير محمد اورنګزېب٬د منصوبه بندۍ وفاقي وزير احسن اقبال٬د پېټروليم وفاقي وزير مصدق ملك او د انفارمېشن ټېكنالوجۍ او ټيلي كميونيكېشن وزير مملكت شزه فاطمه د وډيو لنك د لارې په غونډه كښې ګډون كولو۔
چېلنجونه په موقعو بدلولو لپاره د غېر ملكي سرمايه كارۍ ودې ته پام لرنه كوو ۔ د وزيراعظم محمد شهباز شريف د بهرنۍ سرمايه كارۍ په اړه د جاج اغستو غونډې ته وينا
متعلقہ مضامین
