اسلام آباد ۔ یکم جنوری (اے پی پی) وفاقی وزیر اطلاعات و نشریات چوہدری فواد حسین آکھیے جواساںگورنرراج دی کوئی گالھ نئیں کیتی،مراد علی شاہ دے استعفے دی گالھ وی کرپشن الزامات پاروں کیتی اے،بلاول بھٹو زرداری خوش فہمی اچ ہین، انہاں پاکستان دی تاریخ نئیں پڑھی ، سندھ اچ وزراءدی وڈی تعدادلٹ مار دا حصہ کائنی،او تبدیلی چاہندن۔ اے گالھ انہاں ہک نجی ٹی وی چینل دے پروگرام اچ الویندے آکھی۔فواد چوہدری آکھیے جوسندھ اچ گورنر راج دی گالھ ایویں گالھیں ہین،اساں اینجھی کوئی گالھ نئیں کیتی،ساڈے ڈو وزیراں وی کرپشن الزامات تے استعفے ڈتن تہوں سندھ اچ وی ایہا ریت ٹرنڑی چاہیدی اے جو وزیر اعلیٰ سندھ کرپشن الزامات تے عہدہ چھور ڈیون،جیکر الزامات غلط ثابت تھیون تاں ول آون بھل حالی انہاں دا ناں ملزمان اچ اگو اگو اے۔وفاقی وزیر آکھیے جو بلاول بھٹو دا حق اے جو او بطور سیاستدان حکومت ڈھواونڑ دی گالھ کر سگدن، بھل اے صرف انہاں دی خوش فہمی اے، انہاں کوں حالی موقع اتے حالات دی نزاکت دا خیال کرنڑا چاہیدے،بلاول کوں پاکستان دی تاریخ پڑھنی چاہیدی اے،اتھاں تاں ڈو ترہائی اکثریت وی آندے ڈینہہ بدل ویندی اے، سندھ دے کئی وزرا اینجھے ہین جیہڑے لٹ مار دے خلاف ہین اتے تبدیلی چاہندن، تبدیلی سیاست دا حصہ اے، انشاءاللہ تیکھے سندھ اچ وڈیاں تبدیلیاں آسن۔
گورنرراج دی کوئی گالھ نئیں کیتی،مراد علی شاہ دے استعفے دی گالھ وی کرپشن الزامات پاروں کیتی اے،وزیر اطلاعات
مضمون کا ماخذ : آزاد کشمیر لاٹری
متعلقہ مضامین
