اسلام آباد ۔ 21 مئی (اے پی پی) وزیراعظم دی معاون خصوصی اطلاعات تے نشریات ڈاکٹر فردوس عاشق اعوان دی صحافیوں نال گالھ مہاڑ کریندے ہوئیں آکھیے جو نیب آزاد اتے خود مختار ادارہ ہے، جیرھا جو حکومت یا اپوزیشن دی خواہش دا پابند کائنی ،بلکہ آئین تے قنون دے دائرے اچ رہ تے کم کریندا پئے ۔انہاں آکھیے جو عمران خان اتے موجودہ حکومت دا وی ایہو عزم ہے جو ادارے با اختیار اتے مضبوط تھیونڑ۔انہاں آکھیا جو توقع ہے جو اپوزیشن نیب تے حملیاں، دھمکیاں اتے روز سیاست اچ گھیسٹنڑ دی بجائے نیب کو ں پوچھے گئے سوالاں دا جواب ڈیسی۔فردوس عاشق اعوان آکھیا جواگر کہیں دا دامن صاف ہوئے تاں ا وہ لاپتہ ہونڑ دی بجائے سینہ تانڑ تے کھڑدے،ا یہ کیجھی بیماری ہے جو گھر ونجنڑ تے اچانک ٹھیک اتے جیل ونجنڑ تے جان لیوا بنڑ ویندی ہے۔انہاں آکھیا جو سیاسی بیانیے آلی کار انہاں دی بیماری دا بیانیہ وی ہک نئیں رہیا۔ اپوزیشن صرف ہوائی فائرنگ کریندی ہے ، اوہ ڈینھ دور کائنی جڈاں ہوائی فائرنگ دا رخ حکومت دی بجائے ہک بئے تے ہوویسی، قوماں تے مشکل ٹائم آندے راہندن، طیب اردوان دی مثال ہی ڈیکھ گھنو ، انہاں وی اپنڑی ڈھاندی کرنسی کوں عوام دی مدد نال سانبھیا، اساں وی اویں کرنڑ چاہندوں ۔انہاں آکھیا اپوزیشن کو اگر کوئی اعتراض ہے تاں ا وہ عدالتاں دا اچ ونج سگدن ،کیونجو پہلے ہی 95 فیصد اپوزیشن عدالتاں اچ ہے۔
معاون خصوصی اطلاعات تے نشریات ڈاکٹر فردوس عاشق اعوان دی صحافیوں نال گالھ مہاڑ
مضمون کا ماخذ : لاٹری کا انعام کیسے حاصل کریں
متعلقہ مضامین
