اسلام آباد ۔ 30 ستمبر (اے پی پی) وزیر داخلہ اعجاز احمد شاہ آکھیے جو اساں ہک پر امن قوم ہوں تے حق کیتے آواز چاونڑ دا شعور رکھیندوں ،مودی ثالثی تے مذاکرات تے نی منیندا، ایندا شدت پسند چہرہ دنیا دے سامنڑے بے نقاب تھی گے ، پاکستان اتے جرمنی دے تعلقات مستقبل اچ مزید بہتر تھیسن ،اساڈے اقدامات حوصلہ افزائی تے جرمن حکومت دے شکر گزار ہوں ۔ اے گال انہاں سنوار کوں جرمنی دے سفیر شلاگہک برنہارڈ نال ملاقات کریندے ہوئیں آکھی اے ۔انہاں آکھیے جو ڈوہیں ملکاں دے سانجھے تعلقات اچ بہتری آئی اے ،سیکورٹی دی صورت حال تے چنگی نظر رکھی ہوئی اے ،اساڈی پوری کوشش اے جو اسلام آباد تے پاکستان کوں رہنڑ کیتے مثالی بنڑیسوں۔ وزیر داخلہ آکھیے جو پوری امید اے جو امن و امان دی تسلی بخش صورتحال قائم کریسوں، کشمیر دے معاملے تے گال کریندے ہوئیں وزیر داخلہ آکھیا جو پاکستان حالی تئیں پر امن حل دی کوشش کیتی اے ،مودی نہ ثالثی تے منیندے تے نہ ہی ڈائیلاگ تے، ایندا شدت پسند چہرہ دنیا دے سامنڑے بے نقاب تھی گے ۔اساں پر امن قوم ہوں تے حق کیتے آواز چاونڑ دا شعور رکھیندوں وزیراعظم عمران خان اپنڑے خطاب اچ ایہو پیغام ڈتے۔
وزیر داخلہ اعجاز احمد شاہ دی جرمنی دے سفیر نال ملاقات
مضمون کا ماخذ : ٹمپل ٹمبل
متعلقہ مضامین
