مسلم لیگ (ن) نویں صوبیں دے قیام دے حوالے نال پوائنٹ سکورنگ کر یندی پئی اے ‘ وزیر مملکت موسمیاتی تبدیلی زرتاج گل

APP24-10 LAHORE: February 10 - Minister of State for Climate Change Zartaj Gul Wazir talking with media after inaugurating an Exhibition at Lahore Museum. APP photo by Ch Mubarak Ali

اسلام آباد ۔ 24 اپریل (اے پی پی) وزیر مملکت موسمیاتی تبدیلی زرتاج گل آکھیے جو انتظامی بنیاداں تے نویں صوبیں دا قیام وقت دی ضرورت اے ،مسلم لیگ (ن) نویں صوبیں دے قیام دے حوالے نال پوائنٹ سکورنگ کر یندی پئی اے‘ دوائیاں دیاں کمپنیاں توں ودھ وصول کیتیاں گیاں قیمتاں واپس گھن تے بیت المان کوں ڈتیاں ویسن ۔ بدھ کوں پارلیمنٹ ہاﺅس دے باہروں میڈیا نال گال مہاڑ کریندے ہوئیں انہاں آکھیا جو مسلم لیگ (ن) نویں صوبیں دے قیام دے حوالے نال پوائنٹ سکورنگ کر یندی پئی اے ، جڈاں صوبہ جنوبی پنجاب دی گال آندی اے تاں او نال صوبہ بہاولپور دے معاملے کوں وی چا گھندن ۔ گزریل ڈینھ ایوان اچ مسلم لیگ (ن) دے رہنما رانا ثناءاللہ نویں صوبیں دے حوالے نال جیرھا بل پیش کیتے انہاں اچ چار ارکان دے ناں ہن جنہاں دا تعلق جنوبی پنجاب توں کائنی ۔ وزیر مملکت آکھیا حکومت نویں صوبیں دے قیام دے حوالے نال کم کریندی پئی اے ، انتظامی لحاظ نال نویں صوبیں دا قیام وقت دی ضرورت اے تاں جو پسماندہ علاقے وی ترقی کرن ایندے نال لوکاں دیاں محرومیاں مک ویسن۔ پاکستان تحریک انصاف دی حکومت جنوبی پنجاب صوبہ دے قیام کیتے کم کریندی پئی اے ایں حوالے نال وختی عوام کوں خوشخبری ملسی ۔

مضمون کا ماخذ : فائر جوکر