اسلام آباد ۔ 14 جون(اے پی پی)صدر مملکت ممنون حسین آکھیا جو پاکستان دے فرانس نال دوستانہ خوشگوار تعلقات بہوں اہم ہن ،فرانسیسی پالیسی تے فیصلہ ساز حلقیاں نال قریبی رابطے ضروری ہن ۔صدر مملکت اے گالھ فرانس اچ پاکستان دے نامزد سفیر معین الحق نال گالھ مہاڑ کریندیں ہوئیں آکھی جنہاں منگل کوں ایوان صدر اچ انہاں نال ملاقات کیتی۔صدر مملکت آکھیا جو اجوکے حالات اچ وطن عزیز دے فائدے دے تحفظ سانگے سفیراں دی ذمہ واریاں اچ بہوں ودھارا تھی گئے ،انہاں کوں چاہیدے جو آپنڑی ساری صلاحیتیاں اتے مہارت نال کم گھندیں ہوئیں باہرلی دنیا اچ ملک دا تاثر چنگا بنڑاون تے ایں عہد دے پیچیدہ مسئلیاں نال نبڑنڑ سانگے آپنڑی صلاحتیاں ودھاون ۔انہاں آکھیا جو پاکستان فرانس نال تجارت،سرمایہ کاری،معیشت ،دفاع،تعلیم اتے ثقافت سمیت سارے شعبیاں اچ وسیع البنیاد تے تعلقات دی خواہش رکھیندے۔
مضمون کا ماخذ : números quina hoje
