اسلام آباد ۔ 22 دسمبر (اے پی پی) معاون خصوصی اطلاعات و نشریات ڈاکٹر فردوس عاشق اعوان آکھیے جو بھارت اچ متنازع شہریت بل پاروں افرا تفری کھنڈدی پئی اے ، قائد اعظم آر ایس ایس دے نظریے کوں ڈیکھ گھدا ہئی ، بھارت اچ اقلیت نال غیر انسانی رویے نال ڈو قومی نظریہ جت گے ، بھارت ولوں پاکستان دی ہک وستی تے قبضے دا دعویٰ بے بنیاد اے ، بھارت اپنڑی اندرلی افراتفری توں توجہ ہٹاونڑ کیتے ایل او سی تے اشتعال انگیزی کریندا پئے، پاکستان دے عوام اتے حکومت مسلح فوج دے رلے کھڑن ،اتوار کوں سیالکوٹ اچ میڈیا نال گال مہاڑ کریندے ہوئیں وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیے جو بھارت دا مکروہ چہرہ پاکستانی میڈیا دے ذریعے بے نقاب تھیندا پئے ،، بلاول بھٹو زرداری ملک اچ گٹھ جوڑ اتے مک مکا آلی جمہوریت چاہندن جیں دا امکان کائنی ، جمہوریت نال بلاول دی مراد بدعنوانی دے لائسنسز دی ونڈ اے ، جمہوریت دیاں گالھیں پہلے کرنڑ آلے پہلے اپنڑی پارٹی اچ جمہوریت گھن آون ، بلاول پہلے سندھ اچ جمہوریت گھن آوے تے ولا اپنڑے وزیر اعلیٰ کوں آزاد کرے ، انہاں وزیر اعلیٰ سندھ کوں کٹھ پتلی بنڑا رکھیے ، اج سلیکٹڈ دا طعنہ او ڈیندے پن جنہاں دی اپنڑی سلیکشن پرچی دے ذریعے تھئی اے ، مسلم لیگ (ن) آلے ووٹرز کوں کلھاچھوڑ تے ہک ہک کرتے باہر ویندے پن ، جمہوریت دا اقتدار بلکہ عوام دی صلاح دا ناں اے ، قومی معیشت کوں ٹیکا لاونڑ آلے نیب دی حراست اچ ہن ، حکومت عوام کوں سستی گیس ڈیونڑ کیتے کوشاں اے ،گزریل سال دی نسبت گیس پریشر اچ 12فیصد ودھارا کیتا گے ، بھارت جیرھا جو سیکولر سٹیٹ تے ساریں توں وڈی جمہوریت دا دعویٰ کریندے او اپنڑے گلی گلی محلہ محلہ شہر شہر اچ دنیا دے سامنڑے بے نقاب تھیندا پئے ، بھارت اپنڑے اندرلے انتشار اتے افرا تفری توں توجہ ہٹاونڑ کیتے لائن آف کنٹرول تے اشتعال انگیزی کریندا پئے ، وزیر اعظم عمران خان ملک دے وڈے مسئلے ترجیحی بنیاداں تے حل کریندے پن ۔
قائد اعظم آر ایس ایس دے نظریے کوں ڈیکھ گھدا ہئی ، بھارت اچ اقلیت نال غیر انسانی رویے نال ڈو قومی نظریہ جت گے ، ڈاکٹر فردوس عاشق اعوان
مضمون کا ماخذ : پھل اور سات
متعلقہ مضامین
