اسلام آباد ۔ 30 اگست (اے پی پی) صدر مملکت ڈاکٹر عارف علوی آکھیے جو پاکستان دی حکومت تے عوام کشمریاں دے نال کھڑی اے انہاں دی سیاسی ،اخلاقی تے سفارتی حمایت جاری رکھیسوں ،کشمیریاں دے حقوق کہیں صورت اچ دبائے نی ونج سگدے ۔اے گال انہاں جمعے کوں کشمیریاں نال اظہار یکجہتی دی تقریب نال خطاب کریندے ہوئیں آکھی اے جیں اچ مختلف شعبہ ہائے زندگی نال تعلق رکھنڑ آلے لوکاں تے تعلیمی اداریں دے طالب علماں شرکت کیتی ۔خاتون اول بیگم ثمینہ علوی وی ایں موقع تے موجود ہن ۔ صدر مملکت آکھیا جو پوری پاکستانی قوم اپنڑے پرامن مگر بھرپور احتجاج دے ذریعے دنیا کوں ڈکھالیے جو او کشمیر کاز کیتے ہک مٹھ اے ۔ صدر آکھیا جو مقبوضہ کشمیر دی خصوصی حیثیت کوںختم کرتے بھارت کشمیری قوم اتے بین الاقوامی برادری دے نال اقوام متحدہ دی سلامتی کونسل دیاں قرارداداں دے مطابق جھیڑے کوں حل کرنڑ دا وعدہ تروڑ ڈتے ۔انہاں آکھیے بھارت دنیا دے سامنڑے اے کھلا کوڑ مریندا پئے جو کشمیر ایندا داخلی مسئلہ اے ۔ صدرآکھیا جو کشمیری عوام کوں بھارتی فوج دے جبر دا سامنڑاں اے جیرھا جو شہریاں تے بے رحمانہ تشدد اتے غیر انسانی سلوک کریندی پئی اے ۔مقبوضہ وادی کوں تاریخ اچ ساریں توں وڈی جیل اچ تبدیل کرڈتا گے ۔انہاں آکھیے پاکستان سمجھدے جو جموں تے کشمیر دے مسئلے دا ہکو حل سلامتی کونسل دیاں قرارداداں تے من و عن عمل درآمد اے ۔
پاکستان دی حکومت اتے عوام کشمیریاں نال کھڑی اے ،بھارت پاکستان تے جنگ مسلط کیتی تاں پاکستان پچھی تے کائناں ہٹسی ، صدر مملکت ڈاکٹر عارف علوی دا کشمیریاں نال اظہار یکجہتی دی تقریب نال خطاب
مضمون کا ماخذ : کنگ میکر
متعلقہ مضامین
