اسلام آباد ۔ 18 دسمبر (اے پی پی) محکمہ موسمیات آکھیے جو آندے 24گھنٹے اچ ملک دیاں بہوں ساریاں جہیں تے موسم رکھا تے ٹھڈا رہسی جڈاں جو ملک دے اتلے علاقیں اچ ودھ ساری ٹھڈ رہسی تاں جو اتلے خیبر پختونخوا، جنوب مغربی بلوچستان اتے گلگت بلتستان اچ موسم جھڑ آلا رہنڑ تے ایں دوراں جنوب مغربی بلوچستان اتے گلگت بلتستان اچ کجھ جہیں تے ہلکا مینھ تے ہلکی برف پوونڑ دا امکان اے۔ پنجاب اتے سندھ دے میدانی علاقیں اچ رات کوں ودھ ساری کوہیڑ پوونڑ دا امکان اے ۔ رپورٹ دے مطابق گزریل 24 گھنٹے ملک دیاں بہوں ساریاں جہیں تے موسم ٹھڈا تے رکھا جڈاں جو اتلے علاقیں اچ ودھ سارا پالا پیا ۔ بدھ کوں ریکارڈ کیتے گے گھٹ درجہ حرارت دی رپورٹ دے مطابق گوپس اچ درجہ حرارت منفی 10 ڈگری سینٹی گریڈ، بگروٹ منفی 8، ہنزہ منفی 7، پاراچنار، کالام، گلگت منفی 5، قلات، راولاکوٹ منفی 3، مالم جبہ منفی 2، مری اتے بونجی اچ منفی ہک ڈگری سینٹی گریڈ ریکارڈ کیتا گیا۔
آندے 24گھنٹے اچ موسم رکھا تے ٹھڈا رہسی ، محکمہ موسمیات
مضمون کا ماخذ : raspadinha آن لائن
متعلقہ مضامین
