اسلام آباد ۔ 6 ستمبر (اے پی پی) صدر مملکت ڈاکٹر عارف علوی دی تریمت اول بیگم ثمینہ علوی دے کٹھے جمعہ کوں شہید کیپٹن محمد الحسنین نواز دے گھر ونج تے شہید دے گھر آلیاں نال ملاقات کیتی۔ ایں موقع تے صدر مملکت آکھیا جو پوری قوم شہیداں اتے انہاں دے اہل خانہ کوں سلام پیش کریندی ہے۔انہاں آکھیا جو شہیداں اپنڑیاں جاناں دی قربانی ڈے تے دشمن دے ناپاک ارادیاں کوں خاک اچ ملایا۔ صدر مملکت آکھیا جو پوری قوم ہک مٹھ ہے اتے افواج پاکستان دے مونڈھے نال مونڈھا لا تے کھڑی ہے ۔ صدر مملکت آکھیا جو مادر وطن سانگے جاناں قربان کرنڑاساڈی قوم دا شیوہ ہے۔ انہاں شہید دے درجات دی بلندی سانگے دعا وی کیتی۔
مضمون کا ماخذ : کمپیوٹر لاٹری لائیو
