ٽوڪيو -29 جولاءِ (اي پي پي) امريڪا ۽ جاپان جي اعليٰ دفاعي اختيارين ۽ سفارتڪارن ٻنهي ملڪن وچ ۾ فوجي سهڪار کي مضبوط بڻائڻ جي منصوبن جو اعلان ڪيو آهي. جرمن نشرياتي اداري ڊي ڊبليو مطابق آمريڪي پرڏيهي وزير انٽوني بلنڪن ۽ دفاع واري وزير لائيڊ آسٽن پنهنجن جاپاني هم منصبن يوڪو ڪاميڪاوا ۽ مينرو ڪيهارا سان ٽوڪيو ۾ 2+2 سيڪيورٽي ڳالهين ۾ حصو وٺي رهيا هئا. آمريڪي دفاع واري وزير لائيڊ اسٽن گذريل ڏينهن جاپان ۾ پنهنجي آمد دوران ايڪس تي بيان ۾ چيو ته آمريڪا جاپان 2+2 ميٽنگ لاءِ جاپان ۾ رهڻ تمام سٺو هو. جاپان سان اسان جو اتحاد هند-ماٺي سمنڊ ۾ امن ۽ سلامتي جو سنگ بنياد آهي ۽ اهو اڳ کان وڌيڪ مضبوط آهي. هن چيو ته اختيارين جاپان ۾ آمريڪي فوج سميت آمريڪي ۽ جاپاني ڪمانڊ اينڊ ڪنٽرول ڍانچي کي جديد بنائڻ جي تاريخي ڪوششن تي ڳالهيون ڪرڻ جو منصوبو بڻايو آهي. ٻنهي ڌرين نئين آمريڪي ڪنٽرول ۽ ڪمانڊ سينٽرز قائم ڪرڻ ۽ جاپان ۾ آمريڪي لائسنس يافته ميزائل جي پيداوار کي وڌائن جي منصوبن جي به تصديق ڪئي آهي.
آمريڪا ۽ جاپان جو نئون ڪمانڊ سينٽر قائم ڪرڻ، فوجي سهڪار کي مضبوط بڻائڻ جي منصوبن جو اعلان
مضمون کا ماخذ : میگا ملینز
متعلقہ مضامین
