مدينو پاڪ- 25 جنوري (اي پي پي) مسجد نبوي ۾ زائرين جي عبادت جي سڪون ۽ اطمينان جي انتظامن لاءِ 25 هزار قالينون وڇايون ويون آهن. اردو نيوز جي رپورٽ مطابق مسجد نبوي جي انتظاميا جي حوالي سان ٻڌايو ويو آهي ته قالينون مسجد نبوي، ان جي صحن ۽ ڇت واري حصي تي وڇايون ويون آهن. قالينن کي روزانو سينيٽائيزر ۽ اعليٰ درجي جي خوشبوئن سان معطر ڪيو ويندو آهي ته جيئن نمازي معطر ماحول ۾ عبادت ڪري سگهن. انتظاميا جو چوڻ آهي ته مسجد نبوي جون قالينون ٿلهيون ، پائيدار ۽ پختي رنگ واريون آهن جيڪي بار بار ڌوئڻ سان به خراب ناهين ٿينديون. واضح رهي ته مسجد نبوي جي هر قالين ۾ هڪ چپ لڳل هوندي آهي جنهن کي آر ايف آءِ ڊي جي مدد سان پڙهي سگهجي ٿو. ان چپ ۾ قالين جي حوالي سان سموري معلومات لکيل هوندي آهي.
مضمون کا ماخذ : لاٹری جیتنے کی ترکیبیں
