اسلام آباد۔6جنوری(اے پی پی)وفاقی وزیر برائے قومی غذائی تحفظ و تحقیق اتے صنعت و پیداوار رانا تنویر حسین ایچ ای جے انٹرنیشنل سینٹر فار کیمیکل اینڈ بائیولوجیکل سائنسز دا دورہ کیتے جتھاں انہاں کوں جامعہ کراچی دے وائس چانسلر ڈاکٹر خالد محمود عراقی اتے ممتاز محقق و سائنسدان پروفیسر ڈاکٹر عطاء الرحمان خوش آمدید آکھیے۔ وفاقی وزیر کوں انٹرنیشنل سینٹر فار کیمیکل اینڈ بائیولوجیکل سائنسز دی کامیابیاں اتے ادارے دے مجموعی انفراسٹرکچر تے بریفنگ ݙتی گئی۔ وفاقی وزیر رانا تنویر حسین ادارے دی کارکردگی تے اطمینان کریندے لائیوسٹاک اتے زرعی اجناس دی بہتری کتیے ودھ کردار ادا کرݨ تے زور ݙتے جو پاکستان دی لائیوسٹاک معیشت دی جی ڈی پی اچ ودھ اہمیت پاروں ایں شعبے تے ودھ توجہ دی لوڑھ اے۔
ایں موقع تے وزارت قومی غذائی تحفظ و تحقیق اتے ایچ ای جے انٹرنیشنل سینٹر فار کیمیکل اینڈ بائیولوجیکل سائنسز وچال ہک معاہدے تے دستخط وی کیتے ڳن جیندے تحت ایچ ای جے، آئی اے سی دے ذریعہ کیڑے مار ادویات دے اجزاء اتے متعلقہ تجزیہ کیتے تجارتی بنیاداں تے ٹیسٹنگ دی سہولیات ݙیسی۔
