قاہرہ۔19دسمبر (اے پی پی) وزیر اعظم محمد شہباز شریف قاہرہ اچ اڄ مصروف ݙٰینھ گزریسن۔ پی ایم آفس دے میڈیا ونگ توں جاری بیان موجب وزیراعظم ڈی ایٹ سربراہی اجلاس توں خطاب کریسن۔ 11ویں D-8 سمٹ دا تھیم “نینگراں اچ سرمایہ کاری اتے ایس ایم ایز کوں سپورٹ کرݨ، کل دی معیشت دی تشکیل” اے۔ وزیراعظم مشرق وسطیٰ اچ اسرائیلی جارحیت پاروں تھیوݨ آلی صورتحال تے غور کیتے غزہ اتے لبنان اچ انسانی بحرانی اتے تعمیر نو دی چیلنجز تے ڈی ایٹ دے خصوصی اجلاس اچ وی شریک تھیسن۔ سربراہی اجلاس دے موقع تے وزیراعظم دی انڈونیشیا ،ایران،ترکیہ تے مصر دے صدور اتے بنگلہ دیش دی عبوری حکومت دے چیف ایڈوائزرنال ݙوپاسہ ملاقاتاں وی متوقع ہن۔ پاکستانی وفد اچ نائب وزیراعظم اتے وزیر خارجہ محمد اسحاق ڈار اتے وفاقی وزیر اطلاعات تے نشریات عطاء اللہ تارڑ شامل ہن۔
مضمون کا ماخذ : خوش قسمت لڑکی
