اسلام آباد۔30نومبر(اے پی پی) وزیراعظم محمد شہبازشریف آکھیے ملائیشیا دے چھل توں متاثرہ عوام نال اظہار یکجہتی سانڳے وختی انسانی امداد بھجویندے پیوں ،ملائیشیا دے وزیر اعظم نال ٹیلی فونک ڳالھ مہاڑ اچ ایں ضیان تے انہاں نال اظہار ہمدردی اتے ݙو پاسے تعلقات کوں مزید مستحکم بݨاوݨ تے ڳالھ مہاڑ کیتی ڳئی ۔ ایکس تے آپݨی پوسٹ اچ وزیر اعظم آکھیے ملائیشیا دے وزیر اعظم انور ابراہیم نال ٹیلی فون تے ڳالھ تھئی تے انہاں نال زور دے مینھ توں آوݨ آلی چھل تے ملائیشیا دے عوام نال انسانی جاناں دے ضیان تے املاک کوں تھیوݨ آلے ضیان تے اظہار ہمدردی کیتے جݙاں جو انہاں ضیان دے بعد ملائیشیا دی حکومت دی طرفوں وختی ردعمل دی تحسین کیتی ۔ وزیراعظم آکھیے اساں وختی انسانی امداد یکجہتی دے طور تے بھجویندے پیوں ملائیشیا دے وزیراعظم نال ٹیلی فونک ڳالھ مہاڑ اچ ݙوہیں ملکاں وچال تعلقات کوں مزید مستحکم اتے سانجھے مفاد اچ ڈھالݨ سانڳے کم جاری رکھݨ تے اتفاق کیتا ڳئے۔
