واشنگٹن۔27اکتوبر(اے پی پی)وفاقی وزیر خزانہ محمد اورنگزیب آکھیے جو ٹیکس کیتے کہیں کوں وی ہراساں نہ کیتا ویسی۔ واشنگٹن اچ پریس کانفرنس کریندے انہاں آکھیا جو نان فائلر گاݙیاں اتے جائیداداں نہ مل ڳھن سڳسن، نان فائلر بارے ساکوں قانونی کور دی لوڑھ اے، اساں نان فائلر دی اصطلاح ہی مکیندے پئے ہیں، امریکا اچ سٹیک ہولڈرز نال ملاقاتاں مثبت رہین، سٹیک ہولڈرز پاکستان اچ مہنگائی ڳھٹݨ دی تعریف کیتی اے، امریکا اچ سعودی وزیر خزانہ سودھا آئی ایم ایف اتے ورلڈبینک دے نمائنداں نال وی ملیاںِ، آئی ایم ایف دے نمائنداں نال حوصلہ افزا ڳالھ مہاڑ تھئی اے۔ انہاں آکھیا جو ساریاں ریٹنگ ایجنسیاں منیندن جو پاکستانی معیشت درست سمت دو ٹردی پئی اے، معیشت دی بہتری کیتے ٻئے اوکھے فیصلے کرݨے ہوسن۔ انہاں آکھیا جو ورلڈ بینک پاکستان کوں قرض نئیں گرانٹ ݙیسی ایندے تے آئی ایم ایف نال تعمیری ڳالھ تھئی اے، کوشش ہوسی آئی ایم ایف نال اے آخری پروگرام ہووے۔ پریس کانفرنس اچ گورنر سٹیٹ بینک وی شامل ہن۔
ٹیکس کیتے کہیں کوں وی ہراساں نہ کیتا ویسی، نان فائلر دی اصطلاح مکیندے پئے ہیں، وفاقی وزیر خزانہ محمد اورنگزیب
مضمون کا ماخذ : آن لائن لاٹری
متعلقہ مضامین
