اسلام آباد۔16اکتوبر(اے پی پی)بھارت دے وزیر خارجہ سبرامنیم جے شنکر شنگھائی تعاون تنظیم دے سربراہان حکومت دے اجلاس تے وزیراعظم شہباز شریف، نائب وزیراعظم و وزیر خارجہ اسحاق ڈار اتے پاکستان حکومت دا بہترین مہمان نوازی تے شکریہ ادا کیتے۔ سماجی رابطے دی ویب سائیٹ ایکس تے اپݨے سنیہے اچ جے شنکر آکھیا جو اسلام آباد توں ولیا وینداں، میں وزیراعظم شہباز شریف، نائب وزیراعظم و وزیر خارجہ اسحاق ڈار اتے پاکستان حکومت دا بہترین مہمان نوازی تے شکریہ ادا کرینداں۔ بھارتی وزیر خارجہ ایس جے شنکر منگل کوں پاکستان دے دارالحکومت اسلام آباد پڄیے ہن جتھاں انہاں شنگھائی تعاون تنظیم دے سربراہ اجلاس اچ بھارت دی نمائندگی کیتی۔ انہاں اسلام آباد توں ونڄݨ دیاں تصویراں وی شیئر کیتن۔
مضمون کا ماخذ : گرم سے زیادہ گرم
