اسلام آباد۔21ستمبر(اے پی پی) پاکستان سودھے پوری دنیا اچ امن دا جگ ݙیھاڑ منایا ڳئے 21 ستمبرکوں منایا ڳئے ۔ اے ݙینھ مناوݨ دا مقصد دنیا اچ عام آدمی کوں امن دی اہمیت اتے جنگاں دی بربادی اتے ضیان دی آگاہی ݙیوݨ ، برداشت، ہم آہنگی، انسانیت دا احترام جیھاں روایات کوں پروان چڑھاوݨ تے نینگر نسل اچ ایں حوالے نال شعور ݙیوݨ اے ۔ اے ݙینھ عدم تشدد اتے جنگ بندی دے طور تے وی منایا ڳئے ۔امن دے بین الاقوامی ݙینھ تے پاکستان سودھے پوری دنیا اچ مختلف سرگرمیاں تے امن دے ودھارے دیاں کوششاں کوں نشابر کرݨ سانڳے تقریباں تھئن۔ سرکاری اتے نجی سطح تے تھیوݨ آلی تقریبات اچ دنیا کوں امن دا گہوارہ بݨاوݨ دے حوالے نال کیتے ڳئے مختلف اقدامات اتے کوششاں کوں اجاگر کیتا ڳئے ۔ جنھاں اچ بین المذاہب ہم آہنگی دا ودھارا، امن اتے بھرپی دی فضا دا قیام تے معاشریں کوں ھک ݙوجھے دے نیڑے گھن آوݨ سانڳے اقدامات شامل ہن ۔ واضح رہے اقوام متحدہ 2001 اچ 21 ستمبر کوں امن دا جگ ݙیھاڑ مناوݨ دا فیصلہ کیتا جیں دی روشنی اچ پہلا امن دا ݙینھ 21 ستمبر 2002 کوں منایا ڳیا تے ہر سال پاکستان سودھے پوری دنیا اچ 21 ستمبر کوں امن دا جگ ݙیھاڑ منایا ویندے
