اسلام آباد۔10ستمبر (اے پی پی) سپیکر قومی اسمبلی سردار ایازصادق آکھیا جو پارلیمنٹ ہاؤس دے سارے داخلی دروازیاں دی ویڈیو فوٹیجز منڳوا ڳھدن، ذمہ واراں دے خلاف ایف آئی آر درج کرائی ویسی۔ منگل کوں قومی اسمبلی اچ مختلف اراکین ولوں چاتے ڳئے نکتہ اعتراض تے رولنگ ݙیندیں ہوئیں سپیکر آکھیا جو گزریل رات کڄھ پارلیمنٹ اچ تھیا ایں واقعے تے اساکوں سٹینڈ ڳھنݨا پوسی۔ میں پارلیمنٹ دے داخلی دروازیاں دی ویڈیو فوٹیج منڳ ڳھدی اے۔ انہاں آکھیا جو میں آپݨے آپ کوں بدقسمت سمجھداں جو 2014 اچ پارلیمنٹ تے حملہ تھیا تاں میں سپیکر ہم، ہݨ گزریل ݙینھ میݙے دور اچ اے واقعہ تھیا، ویڈیو فوٹیج ݙیکھ تے جئیں دے خلاف وی ایف آئی آر درج کراوݨی اے میں کرویساں۔ وزیر قانون اعظم نذیر تارڑ آکھیا جو سپیکر جو ڳالھ کیتی اے ایں توں اختلاف نی کیتا ونڄ سڳدا۔ اے ایوان دے تقدس دا مسئلہ اے کوئی وی ایں توں پچھوں نہ ہٹسی۔ آئین اتے قانون دی پاسداری تھیوݨی چاہیدی اے۔ سپیکر چیمبر اچ ٻہہ تے ایں مسئلے دا کوئی حل کݙھݨا چاہیدے۔ علی محمد خان نے نکتہ اعتراض تے آکھیا جو پارلیمنٹ اساں ساریاں دا جمہوری گھر اے، وݙی اوکھ نال اتھ پچیاں۔ میݙا مقدمہ جمہوریت اے اساݙے نظریاتی اختلافات ہن۔ گزریل رات دے واقعے کرݨ آلے دے خلاف قانونی کاروائی کیتی ونڄے۔ سید نوید قمر آکھیا جو واقعے دے تحقیقات اتے ضروری کاروائی تھیوݨی چاہیدی اے۔
پارلیمنٹ ہاؤس دے سارے داخلی دروازیاں دی ویڈیو فوٹیجز منڳوا ڳھدن، ذمہ واراں دے خلاف ایف آئی آر درج کرائی ویسی، سپیکر قومی اسمبلی
مضمون کا ماخذ : اسرار ریلز
متعلقہ مضامین
