اسلام آباد۔4ستمبر(اے پی پی)وفاقی وزیر برائے منصوبہ بندی احسن اقبال آکھیے جو زراعت کوں جدت ݙیوݨ ویلھے دی وݙی لوڑھ اے، زرعی تعلیم و تحقیق حکومت دی ترجیح اے۔ اے ڳالھ انہاں سی پیک دے تحت زرعی شعبے اچ ہک ہزار ماہرین دی چین اچ تربیت سانڳے اجلاس دی اڳواݨی کریندے آکھی۔ اجلاس اچ وفاقی وزیر برائے فوڈ سکیورٹی رانا تنویر اتے وزارت خوراک و زراعت دے اعلی حکام شرکت کیتی۔ انہاں اکھیا جو زرعی تعلیم و تحقیق حکومت دی ترجیح اے جو زرعی پیداوار ودھے، وزیراعظم دی خصوصی ہدایت تے 1 ہزار ماہرین کوں چین ٻھیڄیا ویندا پئے ڄیڑھے جدید خطوط تے زراعت دے شعبے اچ تربیت ڳھنسن، زرعی شعبے اچ جدید ٹیکنالوجی نال پیدہ وار ودھائی ونڄ سڳدی اے، امید اے تربیت ڳھنݨ آلے ہک ہزار نینگر ملک اچ زرعی انقلاب دا منݙھ ٻدھیسن۔ وفاقی وزیر نیشنل فوڈ سکیورٹی اینڈ ریسرچ ڈویژن رانا تنویر حسین آکھیا جو زرعی شعبے اچ ترقی وزیراعظم دی اڳونہی توجہ تے اے، زراعت دے شعبے اچ اہداف پورے کیتے ویسن اتے زراعت اچ روایتی طریقہ کاشتکاری وٹیسوں۔
زراعت کوں جدت ݙیوݨ ویلھے دی وݙی لوڑھ اے، وفاقی وزیر احسن اقبال
مضمون کا ماخذ : números quina hoje
متعلقہ مضامین
