اسلام آباد۔19اپریل(اے پی پی)وفاقی وزیر اطلاعات و نشریات مریم اورنگزیب آکھیے جو میڈیا ڈویلپمنٹ ریگولیٹری اتھارٹی ختم کیتی ویندی پئی اے، پیکا آرڈیننس تے وی نظرثانی کریسوں، کہیں نال انتقامی کارروائی تھیسی نہ بے گناہ کوں جیل اچ سٹیسوں، قانون اپݨا رستہ ٻݨیسی، اداریاں دے خلاف مہم برداشت نہ کیتی ویسی۔ وزیر اطلاعات مریم اورنگزیب اسلام آباد اچ پریس کانفرنس کریندے آکھیے جو میڈیا حکومت دے احتساب اچ اہم کردار ادا کریندے، زیر التوا جرنلسٹ پروٹیکشن بل تیکھے قابل عمل ٻݨاوݨ دی کوش کیتی ویسی۔ انہاں آکھیا جو صدر مملکت کولو آئینی عہدہ اے او ایکوں سیاست کیتے استعمال نہ کرن اتے انہاں کوں اپݨی آئینی ذمہ داریاں دا احساس کرݨا ہوسی، جیکر صدر حلف دی پاسداری نئیں کرسڳدے تاں مستعفی تھی ونڄن۔ انہاں آکھیا جو پنجاب اچ آئینی عہدے دا غلط استعمال تھیندا پئے، گورنر کوں آئینی طریقے نال ہٹایا ڳعے جیندے بعد انہاں کوں گھر ونڄݨا چاہیدے۔ وزیر اطلاعات آکھیا جو ڈیجیٹل میڈیا ونگ ختم کر ݙتے، اداروں دے خلاف روبوٹ اکاؤنٹس دے ذریعے مہم چلائی ویندی پئی اے جیکوں برداشت نہ کتیا ویسی، جیکر کہیں صحافی دے گھر دا گھیراؤ تھیا تاں وزارت اطلاعات حفاظت کریسی۔
میڈیا ڈویلپمنٹ ریگولیٹری اتھارٹی ختم، پیکا آرڈیننس تے نظرثانی تھیسی، کہیں وی بے ضابطگی تے قانون اپݨی راہ کݙھسی، وفاقی وزیر اطلاعات و نشریات مریم اورنگزیب دی پریس کانفرنس
مضمون کا ماخذ : لوٹومینیا اکومولڈا
متعلقہ مضامین
