اسلام آباد۔14اپریل (اے پی پی):وزیراعظم شہباز شریف پشاور موڑ توں نیو اسلام آباد ایئرپورٹ میٹرو بس منصوبے دا دورہ کیتے اتے منصوبے اچ تاخیر دی تحقیقات دا حکم اتے لوکاں کوں سفر دیاں بہترین سہولتاں ݙیوݨ کیتے بہارہ کہو اتے روات دے روٹس تے وی میٹرو بساں چلاوݨ کیتے وختی فزیبلٹی تیار کرݨ دی ہدایت کرݙتی ، خمیس کوں وزیراعظم سویلے ست وڄے میٹرو بس سروس تے جاری کم دا جائزہ گھنݨ کیتے پشاور موڑ میٹرو بس دی سائٹ تے پڄے ۔ مسلم لیگ (ن) دے رہنما احسن اقبال، انجم عقیل خان، حنیف عباسی، ڈاکٹر طارق فضل چوہدری اتے مریم اورنگزیب وی انہاں دے رلے ہن ۔ وزیراعظم کوں سی ڈی اے اتے این ایچ اے دے حکام منصوبے متعلق تفصیلی بریفنگ ݙتی ،وزیراعظم کوں ݙسایا ڳئے جو ہفتے توں 15 بساں ایں روٹ تے چلݨ شروع تھی ویسن ، 5 مئی تئیں 30 بساں مزید پڄ ویسن ، اے منصوبہ 2018ء اچ مکمل تھیوݨا ہئی لیکن تاخیر دا شکار رہیا۔ وزیراعظم منصوبے اچ دیر تے کاوڑ کیتی اتے آکھیے جو 16 ارب روپے خرچ تھی ڳئن لیکن وݙے عرصے توں اے منصوبہ التواء دا شکار رہیے جیڑھی افسوس دی ڳال اے، وزیراعظم ہدایت کیتی جو تحقیقات کرائی وںڄے تے ایں مقصد کیتے کمیٹی بݨائی ونڄے میں ڄاݨݨ چاہنداں جو کیوں فیصلے وختی نئیں تھئے تے ایندے اچ دیر تھیوݨ دی وجہ کیا اے ۔ وزیراعظم ہدایت کیتی جو موٹروے تے وی ھک میٹرو سٹیشن بݨایا ونڄے ۔وزیراعظم اسلام آباد اتے نیڑے دے شہریاں کوں معیاری اتے بہترین سفری سہولتاں ݙیوݨ کیتے بہارہ کہو تے روات دے روٹس تے میٹرو بساں چلاوݨ کیتے وختی فزیبلٹی تیار کرݨ دی ہدایت کیتی وزیراعظم میٹرو بس اچ سفر وی کیتا تے جاری کم دا معائنہ کیتا۔
وزیراعظم شہباز شریف دا پشاور موڑ توں نیو اسلام آباد ایئرپورٹ میٹرو بس منصوبے دا دورہ، منصوبہ اچ تاخیر دی تحقیقات دا حکم، بہارہ کہو اتے روات دے روٹس تے وی میٹرو بساں چلاوݨ کیتے وقتی فزیبلٹی تیار کرݨ دی ہدایت
مضمون کا ماخذ : بلوچستان لاٹری
متعلقہ مضامین
