اسلام آباد۔9مارچ (اے پی پی) پی آئی اے دا خصوصی طیارہ یوکرین اچ پتھے 232 پاکستانیاں کوں گھن ٻدھ دی وچلی رات تے وطن واپس پڄ ڳئے، پی آئی اے دے ترجمان عبداللہ خان دی طرفوں جاری اعلامیہ اچ آکھیا ڳئے جو طیارہ منڳل دی سویل پاکستان توں پولینڈ دے دارالحکومت وارسا روانہ کیتا ڳیا ہئی واضح رہے جو وزارت خارجہ اتے حکومت پاکستان دی ہدایات تے اے طیارہ روانہ کیتا ڳئے ۔ پی کے 7788 ٻدھ کوں رات 12 وڄے اسلام آباد دے ہوائی اݙے تے واپس لینڈ کرڳئے ۔پی آئی اے اتے وزارت خارجہ دے حکام ائیرپورٹ تے پاکستانی طلبا اتے مسافراں دا خیر مقدم کیتا۔ایں موقع تے ہوائی اݙے تے رقت آمیز منظر ݙیکھݨ اچ آئے تے وطن واپس پڄݨ تے ٻہوں سارے مسافراں دی وطن دی سرزمین تے اکھیں اچ ہنجوں آڳئے۔ مسافراں پاکستان زندہ باد اتے پی آئی اے پائندہ باد دے نعرے لاتے ۔
مضمون کا ماخذ : resultados loteria ریو ڈی جنیرو
