اسلام آباد۔9فروری (اے پی پی):وزیر خارجہ مخدوم شاہ محمود قریشی آکھیے جو پاکستان بنگلہ دیش نال ݙو پاسے تجارتی و اقتصادی تعلقات دا ودھارا چاہندے ، اے ڳال انہاں پاکستان اچ تعینات بنگلہ دیش دے ہائی کمشنر روح العالم صدیقی نال ڳال مہاڑ کریندے ہوئیں آکھی اے جنہاں ٻدھ کوں وزارتِ خارجہ اچ انہاں دے نال ملاقات کیتی ۔ملاقات اچ ݙو طرفہ تعلقات ،سانجھی دلچسپی دے شعبہ جات اچ ݙو طرفہ تعاون دے ودھارے سودھے اہم امور تےتبادلہ خیال کیتا ڳئے، بنگلہ دیش دے ہائی کمشنر آپݨی قیادت دی طرفوں پاکستانی قیادت کیتے خیر سگالی دا پیغام پڄائے ۔وزیر خارجہ آکھیے جو پاکستان بنگلہ دیش دے نال ݙو طرفہ تعلقات کوں خصوصی اہمیت ݙیندے ݙوہیں ملکاں وچال ݙو طرفہ تعلقات ھکو سویں عقیدے اتے ثقافت دی بنیاد تے استوار ہن۔شاہ محمود قریشی آکھیے جو پاکستان اقتصادی ترجیحات اتے علاقائی رابطے کوں ودھاوݨ دے ایجنڈے تے عمل پیرا اے۔انہاں آکھیے جو پاکستان بنگلہ دیش نال ݙوطرفہ تجارتی و اقتصادی تعلقات دے ودھارے دا متمنی اے ۔
وزیر خارجہ مخدوم شاہ محمود قریشی نال بنگلہ دیش دے ہائی کمشنردی ملاقات
مضمون کا ماخذ : آزاد کشمیر لاٹری
متعلقہ مضامین
